કૃષિ જાગરણ છેલ્લા 27 વર્ષથી ખેડૂતો અને કૃષિ ક્ષેત્રના વિકાસ માટે સતત કાર્ય કરી રહ્યું છે. કૃષિ જાગરણ ખેડૂતો માટે સમયાંતરે વિવિધ કાર્યક્રમોનું આયોજન કરે છે. આ શ્રેણીમાં કૃષિ જાગરણે ઉત્તર પ્રદેશના લખીમપુર ખેરીમાં શુક્રવારે 23 ફેબ્રુઆરીના રોજ MFOI સમૃદ્ધ કિસાન ઉત્સવ 2024 નું આયોજન કર્યું હતું. જેમાં મુખ્ય અતિથિ તરીકે કેન્દ્રીય મંત્રી અજય કુમાર મિશ્રા ટેનીએ હાજરી આપી હતી. જેમણે ખેતીમાં થઈ રહેલા સતત વિકાસ અને ખેડૂતોના લાભ માટે ચલાવવામાં આવી રહેલી વિવિધ યોજનાઓ અંગે પોતાના વિચારો રજૂ કર્યા હતા. આ ઉપરાંત, મહિન્દ્રા ટ્રેક્ટર સહિત કૃષિ ક્ષેત્ર સાથે સંબંધિત ઘણી કંપનીઓ, ઘણા કૃષિ નિષ્ણાતો, કૃષિ વિભાગના અધિકારીઓ, કરોડપતિ ખેડૂતો અને ઘણા પ્રગતિશીલ ખેડૂતોએ પણ મેળામાં ભાગ લીધો હતો.
શા માટે કરવામાં આવી રહ્યું છે આ મેળાનું આયોજન
આ ફેસ્ટિવલનું આયોજન ખેડૂતોની આવકમાં કેવી રીતે વઘારો કરવામાં આવે તેના ઉપર કરવામાં આવી રહ્યું છે. તેમાં કૃષિ ક્ષેત્ર સાથે સંકળાયેલા તજજ્ઞોએ દ્વારા ખેડૂતોને ખેતી અને નવી ટેકનોલોજી સાથે સંબંધિત માહિતી આપવામાં આવી હતી. તેમને જણાવવામાં આવ્યું કે કેવી રીતે ખેડૂતો ખેતીમાં નવા પ્રયોગો કરીને તેમની આવકમાં વધારો કરી શકે છે. આ ઉપરાંત કૃષિ જાગરણની વિશેષ પહેલ 'મિલિયોનેર ફાર્મર ઓફ ઈન્ડિયા' (MFOI) એવોર્ડ વિશે પણ ખેડૂતોને જાગૃત કરવામાં આવ્યા હતા.
સૌ પ્રથમ ખેડૂતોને MFOI શું છે અને ખેડૂતો માટે કેમ મહત્વપૂર્ણ છે તે જણાવવામાં આવ્યું હતું. આ પછી ખેતીમાં ઉત્તમ કામગીરી કરનારા કરોડપતિ ખેડૂતોનું સન્માન કરવામાં આવ્યું હતું. મુખ્ય મહેમાન, કેન્દ્રીય મંત્રી અજય કુમાર મિશ્રા ટેનીએ કરોડપતિ ખેડૂતોને MFOI ની પ્રશસ્તિપત્ર અને ટ્રોફી આપીને સન્માનિત કર્યા હતા.
ખેડૂતોની પીડા સમજી શકે છે કૃષિ જાગરણ
કાર્યક્રમને સંબોધતા કૃષિ જાગરણ અને કૃષિ વિશ્વના સ્થાપક અને મુખ્ય સંપાદક એમ.સી. ડોમિનિકે કહ્યું કે હું પોતે એક ખેડૂત છું અને ખેતી સારી રીતે જાણું છું. તેથી હું ખેડૂતોની પીડા સમજી શકું છું. તેમણે કહ્યું કે ખેડૂત દિવસ-રાત મહેનત કરે છે, તો જ પાક તૈયાર થાય છે અને લોકો અનાજ ખાવા માટે સક્ષમ બને છે. પરંતુ, ખેડૂતોને જે સન્માન મળવું જોઈએ તે ક્યારેય મળ્યું નથી. તેણે કહ્યું કે દરેક ક્ષેત્રમાં ચોક્કસ કોઈને કોઈ રોલ મોડલ હોય છે. જ્યારે સૌથી અમીર વ્યક્તિની વાત આવે છે, ત્યારે મુકેશ અંબાણીનું નામ મનમાં આવે છે. પરંતુ, જ્યારે ખેતીની વાત આવે છે, ત્યારે કોઈ તેની ચર્ચા કરતું નથી. તેમણે કહ્યું કે ખેડૂતો માટે પણ કંઈક રોલ મોડલ હોવું જોઈએ. ખેડૂતો આ દેશનું ગૌરવ છે અને તેમને તેમનું સન્માન આપવા માટે કૃષિ જાગરણએ MFOIની પહેલ શરૂ કરી છે.
તેમણે કહ્યું કે ગયા વર્ષે MFOI 2023 નું ભવ્ય આયોજન કરવામાં આવ્યું હતું અને તેની સફળતા બાદ આ વર્ષે ડિસેમ્બરમાં પણ MFOIનું આયોજન કરવામાં આવશે. તેમણે કહ્યું કે આ વખતે માત્ર ભારત જ નહીં પરંતુ વિશ્વના વિવિધ દેશોના ખેડૂતો MFOIમાં ભાગ લેશે. તેમણે કહ્યું કે વિશ્વભરના ખેડૂતો તેમાં ભાગ લેશે અને તમને બધાને તેમની સાથે તમારા વિચારો શેર કરવાની તક મળશે. ખેડૂતોને અપીલ કરતાં તેમણે કહ્યું કે આ તેમનો પોતાનો કાર્યક્રમ છે. આપ સૌએ આમાં સહભાગી થવાનું છો.
મોદી સરકાર કર્યું ખેડૂતોના હિતમાં અનેક કામો
ખેડૂતોને સંબોધતા કેન્દ્રીય મંત્રી અજય કુમાર મિશ્રા ટેનીએ કહ્યું કે જ્યારથી દેશમાં પીએમ મોદીની આગેવાની હેઠળની ભાજપ સરકાર સત્તામાં આવી છે ત્યારથી ખેડૂતોના હિતમાં અનેક કામો થયા છે. તેમણે કહ્યું કે મોદી સરકાર ખેડૂતો માટે વિવિધ યોજનાઓ પણ ચલાવી રહી છે, જેનો તેમને પૂરો લાભ મળી રહ્યો છે. તેમણે કહ્યું કે આ યોજનાઓનું પરિણામ છે કે આજે કૃષિ ક્ષેત્રનો ઝડપથી વિકાસ થઈ રહ્યો છે અને નવી ટેકનોલોજીનો ઉપયોગ કરીને ખેડૂતો તેમની આવક બમણી કરી રહ્યા છે.
ખેડૂતો દેશનું ગૌરવ છે.
તેમણે કહ્યું કે ખેડૂતો આ દેશનું ગૌરવ છે અને તમારી મહેનતથી તમે બધાએ દેશ અને સમાજમાં એક અલગ ઓળખ ઉભી કરી છે. કૃષિ જાગરણ દ્વારા ખેડૂતોની આ ઓળખ માટે એક મંચ પૂરો પાડવાનો ઉત્તમ પ્રયાસ કર્યો છે, જેની હું પ્રશંસા કરવા માંગુ છું. તેમણે કહ્યું કે 'મિલિયોનેર ફાર્મર' એક અલગ પ્રકારની પહેલ છે. જેના વિશે ક્યારેય કોઈએ વિચાર્યું પણ નહોતું. પરંતુ, આજે કૃષિ જાગરણએ તે કામ કર્યું છે.
તેમણે વધુમાં જણાવ્યું હતું કે અમારી સરકાર ખેડૂતોના વિકાસ માટે સતત પ્રયત્નશીલ છે અને ખેડૂતોની આવકમાં વધારો એ અમારો મુખ્ય ઉદ્દેશ્ય છે. તેમણે કહ્યું કે, યોજનાઓનો ઉદ્દેશ્ય માત્ર ખેડૂતોની આવક વધારવાનો નથી, પરંતુ ખેડૂતોનું જીવન સરળ બનાવવાનો પણ છે અને મોદી સરકાર આ દિશામાં સતત કામ કરી રહી છે અને ભવિષ્યમાં પણ કરતી રહેશે.
Share your comments