ઘઉં, મકાઈ અને બાજરીની ફોર્ટિફાઈડ જાતોની ઉપયોગી માહિત

ઘઉં, બાજરી અને મકાઈની જાતોની પસંદગી યોગ્ય રીતે કરવી જોઈએ આજે આપણે ચર્ચા કરીશુ કે ઘઉં, મકાઈ અને બાજરીની ફોર્ટિફાઈડ જાતોની ઉપયોગી માહિતી વિશે ચર્ચા કરીશું

ઘઉંની બાયોફોર્ટિફાઇડ જાત

જાતનું નામ: Pusa Tejas (HI 8759)

આ જાત વર્ષ 2017માં ICARI ndian Agricultura ResearchInstitute, Regional Station, ઈન્દોર દ્વારા બહાર પાડવામાં આવી હતી. આ જાતમાં પ્રોટીન (12%), લોહ (41.1 ppm) અને ઝીંક (42.8ppm)નું પ્રમાણ ઘઉંની અન્ય જાત કરતાં વધારે છે. આ જાતમાં દાણાનું ઉત્પાદન 57 ક્વિન્ટલ પ્રતિ હેક્ટર છે અને પાકવાના દિવસો 117 છે.

જાતનું નામ: DDW 47

આ જાત વર્ષ 2020માં ICARIndian Institute of Wheat & Barley Research, કરનાલ દ્વારા બહાર પાડવામાં આવી હતી. આ જાતમાં પ્રોટીન 12.17% અને લોહતત્વનું પ્રમાણ 41.1 ppm જોવા મળે છે. આ જાતમાં દાણાનું ઉત્પાદન 37.3 ક્વિન્ટલ પ્રતિ હેક્ટર છે અને પાકવાના દિવસો 121 છે.

મકાઇની બાયોફોર્ટિફાઇડ જાત

જાતનું નામ: IQMH 203 (LQMH 3)

આ જાત વર્ષ 2020માં ICARIndian Institute of Maize Research, લુધિયાણા દ્વારા બહાર પાડવામાં આવી હતી. આ જાતમાં લાયસીન તત્વનું પ્રોટીનમાં પ્રમાણ 3.48% અને ટ્રીપટોફેન તત્વનું પ્રોટીનમાં પ્રમાણ 0.77% જોવા મળે છે જે મકાઇની અન્ય જાત કરતાં વધારે છે. આ જાતમાં દાણાનું ઉત્પાદન 63 ક્વિન્ટલ પ્રતિ હેક્ટર છે અને પાકવાના દિવસો 90 છે.

બાજરાની બાયોફોર્ટિફાઇડ જાત

જાતનું નામ: HHB 299

આ જાત વર્ષ 2017માં ICARAll India Coordinated Research Project on Pearl Millet હેઠળ CCS-Haryana Agricultural University, હિસ્સાર અને ICRISAT, પાટનચેરુના સંયુક્ત ઉપક્રમે બહાર પાડવામાં આવી હતી. આ જાતમાં લોહતત્વનું પ્રમાણ 73 ppm અને ઝીંક નું પ્રમાણ 41ppm જોવા મળે છે. આ જાતમાં દાણાનું ઉત્પાદન 32.7 ક્વિન્ટલ અને સુકાચારાનુ ઉત્પાદન 73 ક્વિન્ટલ પ્રતિ હેક્ટર છે. આ જાતમાં પાકવાના દિવસો 81 છે.

જાતનું નામ: AHB 1200Fe

આ જાત વર્ષ 2018માં ICAR-All India Coordinated Research Project on Pearl Millet હેઠળ Vasantrao Naik Marathwada Krishi Vidyapeeth, પરભાણી અને ICRISAT, પાટનચેરુના સંયુક્ત ઉપક્રમે બહાર પાડવામાં આવી હતી. આ જાતમાં લોહ નું પ્રમાણ 73 ppm જોવા મળે છે. આ જાતમાં દાણાનું ઉત્પાદન 32 ક્વિન્ટલ અને સુકાચારાનુ ઉત્પાદન 70 ક્વિન્ટલ પ્રતિ હેક્ટર છે. આ જાતમાં પાકવાના દિવસો 78 છે.

માહિતી સ્ત્રોત - કલ્પેશકુમાર ડી. ટાંકૉદરા (વિષય નિષ્ણાંત- વિસ્તરણ શિક્ષણ) ડૉ. પી. કે. શર્મા (વરિષ્ઠ વૈજ્ઞાનિક અને વડા) કૃષિ વિજ્ઞાન કેન્દ્ર – ખેડા, પિન કોડ- 387210