ખરીફ સિઝનમાં ખેડૂતો દ્વારા સૌથી વધુ બરછટ અનાજનું વાવેતર કરવામાં આવે છે અને તેના થકી ખેડૂતોએ મોટી આવક મેળવે છે. પરંતુ આ વર્ષે વધુ વરસાદના કારણે જુવાર, બાજરી અને મકાઈના વાવેતર કરનાર ખેડૂતો સામે મોટી સમસ્યા ઉભી થઈ ગઈ છે. આથી કરીને કૃષિ વિભાગે ખેડૂતોને સલાહ આપી છે કે તેઓ તેમના ખેતરમાં પાણીના નિકાલની યોગ્ય વ્યવસ્થા કરે, નહીં તો ઉત્પાદનને ભારે નુકસાન થઈ શકે છે. ઉપરાંત, વધુ પાણી તલ અને અડદના પાક માટે પણ તેઓ ઘાતક બની શકે છે.
કેટલા હેક્ટરમાં કરવામાં આવ્યો બરછટ અનાજનું વાવેતર
કેન્દ્રીય કૃષિ અને ખેડૂત કલ્યાણ મંત્રાલયના જણાવ્યા અનુસાર, આ ખરીફ સિઝનમાં 188.72 લાખ હેક્ટરમાં અનાજ એટલે કે બરછટ અનાજનું વાવેતર કરવામાં આવ્યું છે, જે ગયા વર્ષના સમાન સમયગાળા દરમિયાન 181.74 લાખ હેક્ટર કરતાં લગભગ 7 લાખ હેક્ટર વધુ છે. આ ઉપરાંત આ વર્ષે કઠોળનું વાવેતર 126.20 લાખ હેક્ટરમાં અને તેલીબિયાંનું વાવેતર 192.40 લાખ હેક્ટરમાં થયું છે. આ વખતે પાકનો વિસ્તાર વધ્યો છે.
વધારાનું પાણી ખાદ્ય પાક માટે ઘાતક
બાજરી અને અન્ય ધાન્ય પાકો તેમની કુદરતી રચનાને કારણે જીવાતોને વધુ સહન કરે છે. પરિણામે, બાજરીની ખેતીમાં જંતુનાશક દવાઓનો ઓછો ઉપયોગ થાય છે, જે માત્ર કૃષિ ખર્ચમાં ઘટાડો કરે છે પરંતુ તે પર્યાવરણને અનુકૂળ પણ છે. પરંતુ, વધુ પડતું પાણી ખાદ્ય પાક માટે ઘાતક છે અને ઘણા રોગોને પ્રોત્સાહન આપે છે.
આ 3 રોગોનું થાય છે પાક પર હુમલો
બ્લાસ્ટ રોગ - બ્લાસ્ટ રોગ સતત વરસાદ અને વધુ ભેજવાળા વિસ્તારોમાં ખેતરોમાં ફેલાય છે. આ રોગમાં છોડના પાંદડા પર બ્રાઉન ફોલ્લીઓ દેખાય છે. તેનાથી બચવા માટે ખેડૂતોએ હેક્સાકોનાઝોલ 5 ટકા ઇસી 30 મિલી પ્રતિ 15 લિટર પાણીમાં ભેળવીને પાકમાં છંટકાવ કરવો જોઈએ.
સડો રોગ - પાક પાણીમાં ડૂબી જવાથી ઝાડના મૂળ અને ડાળાને સડો રોગ થાય છે. સડોના રોગથી બચવા માટે કાર્બેન્ડાઝીમ 50 ટકા WP 2 ગ્રામ પ્રતિ લિટર પાણીમાં ભેળવી છંટકાવ કરો.
સ્ટેમ બોરર જંતુ - સ્ટેમ બોરર જંતુથી પાકને બચાવવા માટે, રોપતા પહેલા છોડનો ઉપરનો ભાગ કાપી નાખવો જોઈએ. જો ખેતરમાં સ્ટેમ બોરર જંતુઓ જોવા મળે તો યુરિયાનો ઉપયોગ બંધ કરવો. આ સાથે લીમડાનું તેલ 1500 પીપીએમ 1.5 મિલી પ્રતિ લિટરના દરે છંટકાવ કરો.
આ પણ વાંચો:Mustard: રવિ સિઝનનું શ્રેષ્ઠ પાક (સરસવ) માટે શ્રેષ્ઠ બિયારણ ત્યાંથી મેળવો
Share your comments