ફેબ્રુઆરીની જગ્યાએ જાન્યુઆરીમાં ઉગાડો આ શાકભાજી અને મેળવો અઢળક ઉત્પાદન

ગુજરાતના ખેડૂતો માટે સારો સમચાર સામે આવ્યો છે. વાત જાણો એમ છે કે જાન્યુઆરી મહિનામાં શાકભાજીની ખેતીમાં ખેડૂતોને સારો નફો મળવાની સંભાવના છે. ખાસ કરીને જો તેઓ પ્રારંભિક પાક ઉગાડવા માટે યોગ્ય ટેક્નોલોજીનો ઉપયોગ કરશે તો. એમ તો રીંગણ, ટામેટા, કોબી, કાકડી, બાટલીઓ, કારેલા, કોળું, ચિરચિરાની વેહલી તકે ખેતી કરવા માટે ફેબ્રુઆરીના મઘ્યથી તેના છેલ્લા અઠવાડિયા સુધીનો સમય શ્રેષ્ઠ છે. આ સમય દરમિયાન આ બધી શાકભાજીની નર્સરી તૈયાર કરીને ખેડૂતોએ તેની ઉપજ મેળવીને તરત જ બજારમાં વેચી શકે છે. આથી કરીને ખેડૂતોને ફેબ્રુઆરીના બીજા પખવાડિયાથી નર્સરી કે બીજ વાવવું જોઈએ. આમ કરવાથી તેઓ એપ્રિલ-મેમાં પાકનું ઉતારો મેળવી શકે છે. પરંતુ જો ખેડૂતો વહેલી તકે પાક ઉગાડવા માંગતા હોય તો જાન્યુઆરી મહિનામાં લો-ટનલ પોલીહાઉસનો ઉપયોગ કરીને નર્સરી તૈયાર કરવી શ્રેષ્ઠ વિકલ્પ બની શકે છે. આ ટેક્નોલોજી દ્વારા ઓછા ખર્ચે સારી ગુણવત્તાની નર્સરી તૈયાર કરી શકાય છે, જેનાથી સારો નફો મેળવી શકાય છે.

પોલીહાઉસમાં આમ તૈયાર કરો નર્સરી

ઓછી ટનલવાળા પોલીહાઉસમાં નર્સરી તૈયાર કરવા માટે સૌ પ્રથમ જરૂરિયાત મુજબ એક મીટર પહોળો અને લંબાઈના મુજબ પથારી તૈયાર કરવી પડે છે. આ પછી બીજ અડધાથી 1 સેન્ટિમીટરની ઊંડાઈએ વાવવામાં આવે છે. પછી વાંસના સ્લેટ્સ અથવા લોખંડના સળિયા વડે એક માળખું તૈયાર કરવામાં આવે છે અને તેને સફેદ પારદર્શક પોલિથીનથી ઢાંકવામાં આવે છે. આ ટનલમાં નર્સરીના છોડ ઉગાડવામાં આવે છે, જે ધીમે ધીમે વધે છે. આ પ્રક્રિયામાં પોલીબેગનો પણ ઉપયોગ કરી શકાય છે, જેમાં બીજને માટી અને ગાયના છાણના ખાતરથી ભરીને વાવવામાં આવે છે.

લો-ટનલ ટેકનોલોજીના છે ઘણા ફાયદા

આ ટેકનીકથી નર્સરીના છોડ ઝડપથી અને તંદુરસ્ત તૈયાર થાય છે, જેના કારણે સમય પહેલા છોડ રોપવાથી ખેડૂતો ઝડપથી શાકભાજી ઉગાડી શકે છે અને બજારમાં ઊંચા ભાવે વેચી શકે છે. આ ટેક્નોલોજીની કિંમત ઘણી ઓછી છે, જેના કારણે ખેડૂતો ઓછા રોકાણમાં સારા નફાની અપેક્ષા રાખી શકે છે. લો-ટનલ પોલીહાઉસની અંદરનું તાપમાન આદર્શ રહે છે, જેના કારણે બીજ અંકુરણ લગભગ 100 ટકા છે. આ પદ્ધતિથી છોડ પર જીવાતો અને રોગોની અસર ઓછી થાય છે.બીજી બાબત લો-ટનલ પોલીહાઉસ સ્થાપવાનો ખર્ચ અન્ય પોલીહાઉસ પદ્ધતિઓ કરતાં ઓછો છે. આ ટેક્નોલોજીનું મુખ્ય આકર્ષણ એ છે કે ઓછા ખર્ચે સારી ગુણવત્તાવાળી નર્સરી તૈયાર કરી શકાય છે. જીઆઈ પાઈપ અથવા વાંસથી બનેલી વોક-ઈન ટનલ બનાવવા માટે પ્રતિ ચોરસ મીટર રૂ. 200 થી 250નો ખર્ચ થાય છે. લો-ટનલના નિર્માણનો ખર્ચ અંદાજે રૂ. 30 પ્રતિ ચોરસ મીટર છે. જંતુ-જીવડાં નેટ અથવા શેડ નેટ લગાવીને આને વધુ ઉપયોગી અને અસરકારક બનાવી શકાય છે. ઉત્તર પ્રદેશ સરકારનો બાગાયત વિભાગ પણ આમાં સબસિડી આપી રહ્યું છે.

નર્સરીના વ્યવસાય પણ શરૂ કરી શકે છે ખેડૂતો

ફર્ટિગેશન એટલે કે એનપીકે સોલ્યુશનનો ઉપયોગ કરીને નર્સરીમાં છોડની સારી વૃદ્ધી માટે થાય છે. એનપીકે નું 50 થી 100 પીપીએમ દ્રાવણ કરીને છોડને આપવામાં આવે છે. આ ઉપરાંત સમયાંતરે સિંચાઈ અને લો-ટનલની  સફાઈ પણ જરૂરી છે, જેથી છોડને પૂરતો પ્રકાશ અમે હવે મળી શકે. લો ટનલ પોલીહાઉસ ટેક્નોલોજીથી ખેડૂતો સફળતાપૂર્વક તેમની શાકભાજીની નર્સરી તૈયાર કરી શકે છે. આ પદ્ધતિનો ઉપયોગ કરવાથી ફક્ત સમયનું બચત નથી થતું પરંતુ બીજ અંકુરણ અને છોડની વૃદ્ધિમાં પણ સુધારો થાય છે. આ ઉપરાંત ખેડૂતો તેમના પાકને સમય પહેલા બજારમાં વેચીને વધુ નફો મેળવી શકે છે. આ ટેક્નોલોજી દ્વારા ખેડૂતો તેમની ખેતીને નવી દિશા આપી શકે છે અને શાકભાજીની નર્સરી ઉગાડીન  નવો વ્યવસાય પણ શરૂ કરી શકે છે.

આ પણ વાંચો:દૂધની માંગને પહોંચી વળવા હવે વેંચાશે સાંઢણીનું દૂધ, શરૂ કરવામાં આવશે વિશેષ ટ્રેન