નાના અને સીમાંત ખેડૂતો માટે ખુશખબર, તેમની સફળતા માટે સરકાર શરૂ કરશે પ્રોગ્રામ

કેન્દ્ર સરકાર ટૂંક સમયમાં દેશના નાના ખેડૂતો માટે એક નવી યોજના શરૂ કરવા જઈ રહી છે. વાસ્તવમાં, કેન્દ્રીય સહકારી પ્રધાન અમિત શાહ ટૂંક સમયમાં કૃષિ અને ગ્રામીણ વિકાસ બેંકો અને સહકારી મંડળીઓના રજિસ્ટ્રાર માટે કમ્પ્યુટરાઇઝેશન પ્રોજેક્ટ શરૂ કરવા જઈ રહ્યા છે. સત્તાવાર નિવેદન અનુસાર, અમિત શાહ રાજ્યો અને કેન્દ્રશાસિત પ્રદેશોમાં ARDB અને RCSના કોમ્પ્યુટરાઇઝેશન પ્રોજેક્ટની શરૂઆત કરશે.

સહકાર મંત્રાલય દ્વારા કરવામાં આવશે શરૂ

આ કાર્યક્રમનું આયોજન સહકાર મંત્રાલય દ્વારા રાષ્ટ્રીય સહકારી વિકાસ નિગમના સહયોગથી કરવામાં આવી રહ્યું છે. કૃષિ અને ગ્રામીણ વિકાસ બેંકો અને રાજ્યો/કેન્દ્રશાસિત પ્રદેશોની સહકારી મંડળીઓની કચેરીઓનું કોમ્પ્યુટરાઇઝેશન એ મંત્રાલય દ્વારા લેવામાં આવેલ એક મહત્વપૂર્ણ પગલું છે.આ કાર્યક્રમનું આયોજન સહકાર મંત્રાલય દ્વારા NCDC (નેશનલ કોઓપરેટિવ ડેવલપમેન્ટ કોર્પોરેશન)ના સહયોગથી કરવામાં આવી રહ્યું છે.

સહકારી ક્ષેત્રને બનાવવામાં આવશે આધુનિક

યોજના હેઠળ, રાજ્યો/કેન્દ્રશાસિત પ્રદેશોની કૃષિ અને ગ્રામીણ વિકાસ બેંકો (ARDBs) અને સહકારી મંડળીઓના રજિસ્ટ્રારની કચેરીઓ સંપૂર્ણપણે કોમ્પ્યુટરાઈઝ્ડ હશે, જે સહકાર મંત્રાલય દ્વારા લેવામાં આવેલ એક મહત્વપૂર્ણ પગલું છે. નિવેદનમાં કહેવામાં આવ્યું છે કે આ પ્રોજેક્ટ દ્વારા સહકારી ક્ષેત્રને આધુનિક બનાવવામાં આવશે અને કાર્યક્ષમતા વધારવામાં આવશે, જ્યાં સમગ્ર સહકારી વ્યવસ્થાને ડિજિટલ પ્લેટફોર્મ પર લાવવામાં આવશે.

નાના અને સીમાંત ખેડૂતોને મળશે પ્રાથમિકતા

નિવેદનમાં કહેવામાં આવ્યું છે કે 13 રાજ્યો/કેન્દ્રશાસિત પ્રદેશોમાં ARDBના 1,851 એકમો કોમ્પ્યુટરાઈઝ્ડ કરવામાં આવશે અને એક કોમન નેશનલ સોફ્ટવેર દ્વારા નેશનલ બેંક ફોર એગ્રીકલ્ચર એન્ડ રૂરલ ડેવલપમેન્ટ (નાબાર્ડ) સાથે જોડવામાં આવશે. આ પહેલ કોમન એકાઉન્ટિંગ સિસ્ટમ અને મેનેજમેન્ટ ઇન્ફોર્મેશન સિસ્ટમ (MIS) દ્વારા વ્યાપાર પ્રક્રિયાઓને પ્રમાણિત કરીને ARDBમાં કાર્યકારી કાર્યક્ષમતા, જવાબદારી અને પારદર્શિતા વધારશે. આ પગલું નાના અને સીમાંત ખેડૂતોને પ્રાથમિક કૃષિ ધિરાણ મંડળીઓ દ્વારા વાવેતર વિસ્તાર અને સંબંધિત સેવાઓ માટે ARDBનો લાભ મેળવવા સક્ષમ બનાવશે.