ખેતરના એક-એક ઇંચનો ઉપયોગ કરીને ગરીબ ખેડૂતો પણ બનશે સમૃદ્ધ, આ રીતે કરો સંકલિત ખેતી

આવો જાણીએ કેવી રીતે

ખેડૂતોની આવક બમણી કરવા અને તેમને આત્મનિર્ભર બનાવવા માટે, ખેતીમાં નવી તકનીકોનો ઉપયોગ કરવામાં આવી રહ્યો છે. ઇન્ટિગ્રેટેડ ફોર્મિંગ પણ આવી જ એક ટેકનિક છે. આ ટેકનિક દ્વારા ખેતી કરીને ખેડૂત નફો અનેકગણો વધારી શકે છે.

ખેતીમાં ખેડૂતોના ખર્ચમાં થશે ઘટાડો

આ તકનીકમાં, મુખ્ય પાકની સાથે, ખેડૂત મરઘાં, મત્સ્યોદ્યોગ, મધમાખી ઉછેર, રેશમ, શાકભાજી-ફળો, મશરૂમની ખેતી એક જ ખેતરમાં અથવા તેની નજીકની જમીન પર કરે છે. આમ કરવાથી એક પાક પર ખેડૂતોની નિર્ભરતા ઓછી થાય છે. આ ઉપરાંત ખેડૂતોને પશુઓના ચારા અને પાકના ખાતર માટે અલગથી ખર્ચ કરવાની જરૂર નથી. પશુઓ માટે ઘાસચારો ખેતરમાં જ ઉત્પન્ન થાય છે. પશુઓના કચરાનો  ઉપયોગ ખાતર બનાવવા માટે થાય છે. જો તમે માછલીની પાલન  કરી રહ્યા છો, તો તેનો આહાર ફાર્મ અને ડેરીમાંથી મળી જાય છે.

સંકલિત ખેતી કેવી રીતે કરવી?

કૃષિ વૈજ્ઞાનિક ડૉ.દયાશંકર શ્રીવાસ્તવ, જેઓ સતત સંકલિત ખેતી પર કામ કરી રહ્યા છે, તેઓ કહે છે કે સતત વધતી જતી વસ્તી અને ઘટતા કુદરતી સંસાધનોને કારણે ખેડૂતોએ ખેતી અને તેની પદ્ધતિઓનો ઉપયોગ કરવાની જરૂર છે. જો તમારી પાસે ખેતી માટે ઓછી જમીન છે તો પણ ચિંતા કરવાની જરૂર નથી. તમારી પાસેની મર્યાદિત ખેતીની જમીનના દરેક ઇંચનો ઉપયોગ કરીને પણ તમે સારો નફો કમાઈ શકો છો.

આ પણ વાંચો:ડાંગરની આ જાત એકર દીઠ 27 ક્વિન્ટલ ઉપજ આપશે, 115 દિવસમાં થશે તૈયાર

પહેલા તૈયાર કરો મોડલ

સૌથી પહેલા ખેડુતોએ એ ખાતરી આપવાની છે કે તેમની પાસે ખેતી કરવા માટે એક મોડલ હોય. તેમને જાણ હોવી જોઈએ કે ખેતરમાં કઈ જગ્યા પર પાક વાવવાનો છે અને કઈ જગ્યા પર શાકભાજી. કયા પાકની સાથે કઈ શાકભાજી વિકાસ કરશે. આ સિવાય માછલી પાલન માટે ખેતરના કયા ભાગમાં તળાવ બનાવવાનુ છે. કે પછી મુર્ગી પાલન માટે કઈ જગ્યા કેવી રીતે પસંદ કરવાની છે. આ બધી માહિતી માટે ખેડુત કૃષિ વૈજ્ઞાનિકોનો પણ સંપર્ક કરી શકે છે.

 કમાઈ શકશે બમ્પર નફો

દયાશંકર શ્રીવાસ્તવ કહે છે કે જો તમે ચોખાના પાકનુ વાવેતર કરો છો તો તમે તેના કિનારે કિનારે ફુલોની ખેતી કરી શકો છો. તે સિવાય પશુઓના ચારા માટે ઉપયોગમા લેવાતા ઘાસનો પણ પાક વાવી શકો છો. તે સિવાય તમે તમારા ખેતરના કિનારે એક ખાડો ખોદીને માછલી પાલન પણ કરી શકો છો. ખેતરની આજુ બાજુ તમે શાકભાજીનુ વાવેતર કરી શકો છો, જેથી તમારા મુખ્ય પાકનો ખર્ચ તો નિકળી જશે, તે સિવાય મુર્ગી પાલન અને માછલી પાલન સહિત શાકભાજીની ખેતીથી તમે બમ્પર નફો કમાઈ શકશો.  

આ પણ વાંચો:શેરડીની સાથે ઓછા સમયમાં તૈયાર આ 5 પાકનું વાવેતર કરો, સારો ફાયદો થશે