શું તમે પણ વોશરૂમમાં મોબાઇલ વાપરો છો, તો જાણી લો આ આડઅસર વિશે

આજના સમયમાં કોઈ મુશ્કેલથી જ એવો મળશે જે મોબાઈલ ફોનનો પ્રયોગ નથી કરતું હોય. આજના સમયમાં મોબાઇલ ખૂબ જ જરૂરી બની ગયો છે. લોકો એક પણ શ્રણ તેના વગર વિતાવી શકતા નથી. તેનાથી દૂર રહેવું એટલું મુશ્કેલ બની ગયું છે. લોકો ઘણીવાર સૂવાના પહેલાની છેલ્લી મિનિટો સુધી રીલ્સમાં સ્ક્રોલ કરતા હોય છે. એક વખત તેને સારો ગણી શકાય, પરંતુ સ્થિતિ ત્યારે વણસી જાય છે જ્યારે જોવામાં આવે છે કે મોબાઈલની આ લત એટલી હદે વટાવી ગઈ છે કે હવે લોકો તેની સાથે વોશરૂમ પણ જવા લાગ્યા છે. જો તમે પણ આવું કરો છો તો ચાલો જાણીએ તેના તમારા સ્વાસ્થ્ય પર શું આડઅસર થાય છે.

વોશરૂમમા મોબાઇલનો ઉપયોગ સ્વાસ્થ્ય સાથે રમત

વોશરૂમનો ઉપયોગ કરતી વખતે મોબાઈલનો ઉપયોગ કરવો એ સ્વાસ્થ્ય સાથે રમત છે. આ જગ્યાએ ઘણા કીટાણુઓ હોય છે. આવી સ્થિતિમાં, જ્યારે તમે અહીં ફોનનો ઉપયોગ કરો છો, ત્યારે તે સરળતાથી ફોનમાં ટ્રાન્સફર થઈ શકે છે અને તમને બેક્ટેરિયા માટે સંવેદનશીલ બનાવી શકે છે. મોબાઈલ એક એવી વસ્તુ છે કે તેને ધોવી શક્ય નથી, આ કીટાણુઓ તમારા શરીરમાં પ્રવેશી શકે છે અને વિવિધ રોગોનું કારણ બની શકે છે.

માંસપેશીઓ જકડાઈ શકે છે.

જ્યારે લોકો મોબાઈલ ફોનને ટોયલેટમાં લઈ જાય છે, ત્યારે લોકો ઘણીવાર અહીં વધુ સમય વિતાવવા લાગે છે, જે યોગ્ય નથી. તમને જણાવી દઈએ કે, લાંબા સમય સુધી બેસી રહેવાથી તમારી માંસપેશીઓ જકડાઈ શકે છે અને ઘૂંટણમાં દુખાવો પણ થઈ શકે છે. આ ઉપરાંત, જો તમે તમારા ફોન સાથે અડધો કલાક કે તેથી વધુ સમય સુધી કોમોડ પર બેઠા રહો છો, તો તેના કારણે તમે યોગ્ય રીતે ફ્રેશ થઈ શકતા નથી.

માનસિક સ્વાસ્થ્ય પર આડઅસર

એક અભ્યાસ દર્શાવે છે કે ટોયલેટમાં ફોનનો ઉપયોગ તમારા માનસિક સ્વાસ્થ્ય પર પણ ખરાબ અસર કરે છે. કારણ કે જે સમય તમે અહીં બેસીને તમારા માટે વિચારવામાં પસાર કરી શક્યા હોત, તે ફક્ત ફોન પર રહેવાથી વેડફાય છે. તેથી, આ આદત તમારા માનસિક સ્વાસ્થ્યને પણ અસર કરે છે.

કબજિયાતની સમસ્યાથ થઈ શકે છે

તમારી આ આદતને કારણે તમે કબજિયાતનો શિકાર બની શકો છો. લાંબા સમય સુધી એક જ સ્થિતિમાં બેસી રહેવાથી તમારા શરીરને તેની આદત પડી જાય છે. આ સિવાય અહીં વધુ સમય વિતાવવાથી તમારા ગુદામાર્ગ પર બિનજરૂરી તાણ પડે છે અને તે પાઈલ્સ વગેરેનું કારણ પણ બની શકે છે.