શું છે રાષ્ટ્રીય કૃષિ વિકાસ યોજના? જાણો તેના મુખ્ય ઉદ્દેશ્ય અને ક્ષેત્ર

કૃષિ અને સંબંધિત ક્ષેત્રોમાં ધીમી વૃદ્ધિથી ચિંતિત અને કૃષિને પ્રોત્સાહન આપવા માટે કેન્દ્ર સરકાર તરફથી 29 મેં 2007માં રાષ્ટ્રીય કૃષિ વિકાસ યોજનાની શરૂઆત કરવામાં આવી હતી. આ યોજનાનો હેતુ કૃષિ આબોહવા, કુદરતી સંસાધનો અને ટેક્નોલોજીને ધ્યાનમાં રાખીને કૃષિનો વિકાસ કરવાનો છે. આરકેવીવાઈનો ઉદ્દેશ્ય કૃષિ સને સંબંધિત ક્ષેત્રના સમગ્ર વિકાસને સુનિશ્ચિત કરતા 12મી પંચવર્ષીય યોજનાના સમયગાળા દરમ્યાન જરૂરી વાર્ષિક વૃદ્ધિ દર મેળવવો અને તેને સ્થિર રાખવાનો છે.

રાષ્ટ્રીય કૃષિ વિકાસ યોજનાના મુખ્ય હેતુઓ

રાષ્ટ્રીય કૃષિ વિકાસ યોજનાનો મુખ્ય ઉદ્દેશ્ય કૃષિ અને સંબંધિત ક્ષેત્રોમાં જાહેર રોકાણે પ્રોત્સાહન આપવા માટે રાજ્યોને પ્રોત્સાહિત કરવાનો છે. તો બીજી તરફ, રાજ્યોને કૃષિ અને સંબંધિત યોજનાઓના આયોજન અને અમલીકરણની પ્રક્રિયામાં શિથિલતા અને સ્વાયત્તતા આપવી અને કૃષિ આબોહવાની પરિસ્થિતિઓ, ટેક્નોલોજી અને કુદરતી સંસાધનોની ઉપ્લબ્ધતાના આધારે જિલ્લા અને રાજ્યો માટે કૃષિ યોજનાઓ બનાવવામાં આવે તેવો પણ હેતુ છે.

આ ઉપરાંત, સ્થાનિક જરૂરિયાતો / પાક / પ્રાથમિકતાઓને રાજ્યની કૃષિ યોજનાઓમાં યોગ્ય રૂપે પ્રદર્શિત કરવું, કેન્દ્રીય પ્રવૃતિઓના માધ્યમથી અગત્યના પાકમાં ઉપજ અંતરને ઓછું કરવાના લક્ષ્યને પ્રાપ્ત કરવા, કૃષિ અને સંબંધિત ક્ષેત્રોમાં ખેડૂતોને વધુમાં વધુ લાભ આપવો, કૃષિ અને સંબંધિત ક્ષેત્રોના જુદા જુદા ઘટકોના તમામ પ્રકારે સમાધાન કરી ઉત્પાદન અને ઉત્પાદકતામાં પરિવર્તન લાવવું પણ આ યોજનાના હેતુઓ છે.

રાષ્ટ્રીય કૃષિ વિકાસ યોજનાના મુખ્ય હેતુઓ

રાષ્ટ્રીય કૃષિ વિકાસ યોજનામાં ઘઉં, અનાજ, દાળ, નાના અનાજ, મોટા અનાજ, તેલીબિયાં જેવા મુખ્ય પાકનો એકીકૃત વિકાસ, જમીન સ્વાસ્થ્યના સંવર્ધનને લડતા કર્યો, કૃષિ યાંત્રિકીકરણ, પ્રવાહના વિસ્તારો, ઉજ્જડ જમીનો, નદી ખીણોનો એકીકૃત વિકાસ, રાજ્ય બીજ ફાર્મ માટે સપોર્ટ, પ્રવાહવાળા વિસ્તારોની અંદર અને બહાર વરસાદની ખેતી પદ્ધતિનો વિકાસ, માર્કેટ ડેવલપમેન્ટ અને માર્કેટ ઇન્ફ્રાસ્ટ્રક્ચરને મજબૂત બનાવવું, જમીન સુધારણાના લાભાર્થીઓ માટે વિશેષ યોજનાઓ, વિસ્તરણ સેવાઓને પ્રોત્સાહન આપવા માટે માળખાગત સુવિધાને મજબૂત બનાવવી, બાગાયતી પેદાશોને પ્રોત્સાહન આપવા સંબંધિત કર્યો, પશુપાલન અને મત્સ્યઉદ્યોગ વિકાસ પ્રવૃત્તિઓ, યોજનાઓને કેવી રીતે પૂર્ણ કરવી તે અંગેની ધારણાઓ શરૂ કરવી વગેરે છે