Magazines

Subscribe to our print & digital magazines now

Subscribe

We're social. Connect with us on:

Government Schemes

જાણો, ખેડૂતોને ખાતર પર સબસિડીનો લાભ કેવી રીતે મળશે?

Sukhadev Thakor
Sukhadev Thakor
subsidy on fertilizer
subsidy on fertilizer

ખરીફ પાકની કાપણી બાદ હવે રવિ પાકની વાવણી શરૂ થવાની છે. પાકની વાવણી વખતે ખેડૂતો બીજી ઘણી વસ્તુઓ પર આધાર રાખે છે. જેમ કે ખેતરોમાં યોગ્ય સિંચાઈથી લઈને અનુકૂળ વાતાવરણ. સારુ ઉત્પાદન માટે ખાતર પણ મહત્વનો ભાગ ભજવે છે. ખાતર સારી ગુણવત્તા અને યોગ્ય માત્રામાં વાપરવામાં આવે તો ઉત્પાદન સારુ મેળવી શકાય છે.

દેશના ઘણા રાજ્યોમાંથી ખાતરની અછતના સમાચાર આવી રહ્યા છે. ખાતર વિતરણ કેન્દ્રો પર ખેડૂતોની લાંબી કતારો જોવા મળી રહી છે. તાજેતરમાં સરકારે DAP પર સબસિડી વધારીને ખેડૂતોને રાહત આપી છે. જો સરકારે સબસિડીમાં વધારો કર્યો ન હોત તો ખેડૂતોને ડીએપી માટે વધુ ખર્ચ કરવો પડત. 12 ઓક્ટોબરે કેન્દ્ર સરકારે ડીએપી પર સબસિડી 24,231 રૂપિયાથી વધારીને 33,000 રૂપિયા પ્રતિ ટન કરવાની મંજૂરી આપી હતી.

તમને જણાવી દઈએ કે પહેલા 50 કિલો DAP ના પેકેટની કિંમત 2411 રૂપિયા હતી. તેમાંથી સરકાર 1211 રૂપિયા સબસિડી તરીકે આપતી હતી અને ખેડૂતોને 1200 રૂપિયામાં DAP મળશે. છેલ્લા દિવસો પર નજર કરીએ તો DAP ની કિંમત વધીને 2850 રૂપિયા થઈ ગઈ છે. આવી સ્થિતિમાં જ્યારે ખેડૂતોના ખિસ્સા પર બોજ વધવા લાગ્યો ત્યારે આને જોતા સરકારે સબસિડીના નાણાં વધારવાનો નિર્ણય કર્યો.

સરકારે સબસિડીની રકમ 1211 રૂપિયાથી વધારીને 1650 રૂપિયા કરી. જે અંતર્ગત ખેડૂતોને ડીએપી ખરીદવા માટે વધારે પૈસા ખર્ચવા પડ્યા નથી. તેમને માત્ર 1200 રૂપિયામાં 50 કિલોનું પેકેટ સરળતાથી મળી રહ્યું છે.

આંતરરાષ્ટ્રીય બજારોમાં ભાવ વધારો

આંતરરાષ્ટ્રીય બજારોમાં ભાવ વધવાને કારણે ખાતરની આયાત ઘટી છે. આ જ કારણ છે કે વર્તમાન સમયે પરિસ્થિતિ વધુ ખરાબ થઈ રહી છે. પ્રાપ્ત માહિતી અનુસાર, ભારતમાં આયાતી ડીએપીની કિંમત આ વખતે 675 ડોલરથી 680 ડોલર પ્રતિ ટન સુધી પહોંચી ગઈ છે, જ્યારે ગયા વર્ષે આ સમયે ખાતરની કિંમત 370 ડોલર હતી.

ખેડૂતોને સબસિડીનો લાભ મળશે

સબસિડી માટે ખેડૂતોએ હજુ પણ ડીએપીની એક બોરી માટે માત્ર 1200 રૂપિયા ચૂકવવા પડે છે. સબસિડી મેળવવા માટે, તમારે તમારું ઓળખ કાર્ડ એટલે કે આધાર કાર્ડ અથવા કિસાન કાર્ડ આપવું પડશે અને બાયોમેટ્રિક (અંગૂઠાની છાપ) દ્વારા તમારી ઓળખ પછી સરકાર કંપનીના બેંક ખાતામાં DBT મારફતે 1650 રૂપિયા સબસિડી બહાર પાડશે.

હાલમાં રવીપાકની વાવણીનો સમય ચાલી રહ્યો છે અને હાલમાં બજારમાં ડીએપી ખાતરની અછત છે જેના કારણે ખાતર સરળતાથી મળી નથી રહ્યુ તેથી ખેડૂતોની મુશ્કેલી પણ વધી  રહી છે.

ખેડૂતોનું કહેવું છે કે એકર દીઠ 2 બેગ ડીએપી મળવાને કારણે પુરવઠો મળતો નથી જ્યારે તેમને એકર દીઠ 4 થી 5 બેગની જરૂર પડે છે.

આ પણ વાંચો - મોદી સરકારની આ યોજના હેઠળ ખેડુતોને 50 થી 90 ટકા સબસિડી મળશે

આ પણ વાંચો - ખેડૂતો માટે ભૂપેન્દ્ર સરકારનું આર્થિક પેકેજ જાહેર, જાણો કોને મળશે લાભ ?

Share your comments

Subscribe Magazine

More on Government Schemes

More