આજે Auro University, સુરત ખાતે યોજાયો યુવા ઉત્સવ

કેન્દ્રીય સંચાર બ્યૂરો, સુરત દ્વારા કેંદ્ર સરકારનાં "8 વર્ષ - સેવા, સુશાસન અને ગરીબ કલ્યાણ" વિષય પર ચિત્ર પ્રદર્શન

યુવાઓમાં રહેલી સર્જન શક્તિનો પરિચય  કરાવવા તેમજ તેઓનું કૌશલ્ય નિખારવા માટે યુવા બાબતોના મંત્રાલયનાં માર્ગદર્શન હેઠળ નેહરુ યુવા કેંદ્ર, સુરત દ્વારા Auro University ખાતે યુવા ઉત્સવનું આયોજન કરવામાં આવ્યુ હતું.

કાર્યક્રમનું ઉદ્દઘાટન સુરત પોલીસ કમિશ્નર શ્રી અજય કુમાર તોમર, જિલ્લા વિકાસ અધિકારી શ્રી બી કે વસાવા, Auro University ના રજિસ્ટ્રાર શ્રી પ્રો અમરીશ મિશ્રા સહિતનાં અતિથિ દ્વારા કરવામાં આવ્યું હતું.

આ ઉત્સવ દરમિયાન આયોજિત વિવિધ સ્પર્ધાઓ જેવી કે ફોટોગ્રાફી, વકતૃત્વ, ચિત્રકલા, કવિતા લેખન અને સાંસ્કૃતિક કાર્યક્રમ સ્પર્ધામાં મોટી સંખ્યામાં સુરતનાં યુવાનોએ ભાગ લીધો હતો.

યુવા ઉત્સવ દરમિયાન કેન્દ્રીય સંચાર બ્યૂરો, માહિતી અને પ્રસારણ મંત્રાલય, ભારત સરકાર, સુરત દ્વારા "8 વર્ષ - સેવા, સુશાસન અને ગરીબ કલ્યાણ" વિષય પર એક દિવસીય પ્રદર્શન રાખવામાં આવ્યું હતું. જેને અતિથિઓ અને યુવાનોએ નિહાળ્યું હતું.

યુવાનોએ કેન્દ્રીય સંચાર બ્યૂરો, મુખ્યાલય દ્વારા પ્રકાશિત કરવામાં આવતા ન્યૂ ઇન્ડિયા સમાચારની પ્રત અને તેના વિશે જાણકારી મેળવી હતી.

આ કાર્યક્રમમાં સરકારના વિવિધ વિભાગો જેમ કે જિલ્લા ગ્રામ વિકાસ એજન્સી, સુરત, રોજગારી કચેરી, સુરત, નશાબંધી અને આબકારી વિભાગ, ગુજરાત પર્યટન વિભાગ, નશા મુક્તિ સમિતિ સાથે અન્ય વિભાગની કામગીરી અંગે અહીં તૈયાર કરેલા સ્ટોલ દ્વારા માહિતી આપવામાં આવી હતી.

આ પણ વાંચો: કેબિનેટે કેન્દ્ર સરકારના કર્મચારીઓને મોંઘવારી ભથ્થાના વધારાના હપ્તા અને પેન્શનરોને મોંઘવારી રાહત, 01.01.2023થી મળવાની મંજૂરી આપી