Magazines

Subscribe to our print & digital magazines now

Subscribe

We're social. Connect with us on:

News

Vande Bharat Express: મુંબઈ-ગાંધીનગર વચ્ચે દોડતી વંદે ભારત એક્સપ્રેસનો થયો અકસ્માત, ભેંસોના ટોળા સાથે અથડાઈ

Mihirkumar Jashubhai Parmar
Mihirkumar Jashubhai Parmar
vande bharat express
vande bharat express

વટવા સ્ટેશનથી મણિનગર વચ્ચેની રેલ્વે લાઇન પર ભેંસોનું ટોળું આવવાના કારણે સવારે 11.15 વાગ્યે આ અકસ્માત થયો હતો. ટ્રેનના એન્જિનના આગળના ભાગને નુકસાન થયું હતું. તમામ મુસાફરો સુરક્ષિત છ.

ગુજરાતના મુંબઈ સેન્ટ્રલ અને ગાંધીનગર વચ્ચે દોડતી વંદે ભારત એક્સપ્રેસ ગુરુવારે અકસ્માતનો ભોગ બની હતી. વટવા સ્ટેશનથી મણિનગર વચ્ચેની રેલ્વે લાઇન પર ભેંસોનું ટોળું આવવાના કારણે સવારે 11.15 વાગ્યે આ અકસ્માત થયો હતો. ટ્રેનના એન્જિનના આગળના ભાગને નુકસાન થયું હતું. તમામ મુસાફરો સુરક્ષિત છે. પશ્ચિમ રેલવેના વરિષ્ઠ પીઆરઓ જેકે જયંતિએ આ માહિતી આપી હતી. જણાવી દઈએ કે વડાપ્રધાન નરેન્દ્ર મોદીએ 30 સપ્ટેમ્બરે આ ટ્રેનને લીલી ઝંડી બતાવી હતી. તેમણે ગાંધીનગરથી ટ્રેનને લીલી ઝંડી બતાવી હતી. અમદાવાદ રેલ્વે સ્ટેશનના પ્લેટફોર્મ નંબર 9 પરથી બપોરે 2 વાગે ટ્રેન ઉપડી અને સાંજે 7.30 કલાકે મુંબઈ સેન્ટ્રલ રેલ્વે સ્ટેશન પહોંચી. નવી 'વંદે ભારત એક્સપ્રેસ' સેમી-હાઈ સ્પીડ ટ્રેને અમદાવાદ-મુંબઈ વચ્ચે સાડા પાંચ કલાકમાં 492 કિમીનું અંતર કાપ્યું હતું.

મહારાષ્ટ્ર અને ગુજરાતની રાજધાનીઓને જોડતી આ ટ્રેન વંદે ભારત ટ્રેનોની શ્રેણીની ત્રીજી ટ્રેન છે, જે દેશમાં ચલાવવામાં આવી છે. આ શ્રેણીની પ્રથમ ટ્રેન નવી દિલ્હી અને વારાણસી વચ્ચે શરૂ કરવામાં આવી હતી જ્યારે બીજી ટ્રેન નવી દિલ્હીથી માતા વૈષ્ણો દેવી, કટરા વચ્ચે શરૂ કરવામાં આવી હતી.

ગાંધીનગર-મુંબઈ વંદે ભારત સુપરફાસ્ટ એક્સપ્રેસ સામાન્ય લોકો માટે 1 ઓક્ટોબરથી શરૂ થઈ છે. તે રવિવાર સિવાય અઠવાડિયામાં છ દિવસ દોડશે. આ ટ્રેન મુંબઈ સેન્ટ્રલ સ્ટેશનથી સવારે 6.10 વાગ્યે ઉપડે છે અને બપોરે 12.30 વાગ્યે ગાંધીનગર પહોંચે છે. આ ટ્રેન ગાંધીનગરથી બપોરે 2.05 વાગ્યે ઉપડે છે અને મુંબઈ સેન્ટ્રલ રાત્રે 8.35 વાગ્યે પહોંચે છે.

આ પણ વાંચો:પ્રધાનમંત્રીએ ગુજરાતના ગાંધીનગર સ્ટેશન પર ગાંધીનગર અને મુંબઈ વચ્ચે નવી વંદે ભારત એક્સપ્રેસને લીલી ઝંડી બતાવી

Share your comments

Subscribe Magazine

More on News

More