ખેડૂતોને આત્મનિર્ભર બનવામાં મદદ કરવા સરકાર ઉચ્ચ ટેકનોલોજીથી સજ્જ કૃષિ પર ધ્યાન કેન્દ્રિત કરી રહી છે

ખેડૂતોને આત્મનિર્ભર બનાવવાના લક્ષ્ય સાથે સરકારે આ વર્ષના કેન્દ્રીય બજેટમાં કૃષિને હાઇટેક બનાવવાનો નિર્ણય કર્યો છે. વડા પ્રધાન નરેન્દ્ર મોદી માટે આ બાબત ઉચ્ચ પ્રાથમિકતા ધરાવતું ક્ષેત્ર છે

સરકારે પરંપરાગત ખેતીથી આગળ વધી નવી પદ્ધતિઓ વિકસાવવાની યોજના બનાવી છે. આ તમામ બાબત સુનિશ્ચિત કરે છે કે બજેટ દરેક ભારતીયની જરૂરિયાતોને પૂર્ણ કરે છે, ગ્રામીણ ઘરોથી લઈને કેમિકલ મુક્ત ખેતી, ગંગા કિનારે પાંચ કિલોમીટર પહોળો કોરિડોર અને કેન-બેતવા કનેક્શન પ્રોજેક્ટ દ્વારા બુંદેલખંડમાં સિંચાઈ માટે પાણી ઉપલબ્ધ કરાવવાનો પણ તેમા સમાવેશ થાય છે.

ખેડૂતોને ડિજિટલ અને હાઇ-ટેક સેવાઓ પૂરી પાડવા માટે, નવી જાહેર-ખાનગી ભાગીદારી (PPP) યોજના બનાવવામાં આવશે. પાકનું મૂલ્યાંકન, જમીન રેકોર્ડનું ડિજિટાઈઝેશન, અને જંતુનાશક અને ખાતરનો છંટકાવ આ બધું "કિસાન ડ્રોન" દ્વારા કરવામાં આવશે.

બજેટમાં આપવામાં આવેલી માહિતી પ્રમાણે સ્થાનિક તેલીબિયાંના ઉત્પાદનને પ્રોત્સાહિત કરવા માટે એક વ્યાપક યોજના લાગુ કરવામાં આવશે.

નાણપ્રધાન નિર્મલા સીતારામને જણાવ્યું હતું કે સ્થાનિક સ્તરે તેલીબિયાં ઉત્પાદન વધારવા અને આયાતી તેલીબિયાં પરની નિર્ભરતા ઘટાડવાના ઉદ્દેશ્ય સાથે તાર્કિક અને સંપૂર્ણ વ્યૂહરચના અમલમાં મૂકવામાં આવશે.

કૃષિ ક્ષેત્ર માટે આ એક સંતુલિત બજેટ છે, જેમાં માળખાકીય વિકાસ, પ્રોત્સાહનો અને ટેકનિકલ પ્રોત્સાહનો કૃષિ અને ખેડૂતોને સુધારવા પર ધ્યાન કેન્દ્રિત કરે છે.

ખેડૂતો અને ગામડાઓ આત્મનિર્ભર બનવાની સાથે તેમની કમાણી પણ વધારી શકાશે. સરકાર દ્વારા વર્ષ 2023ને બાજરીના વર્ષ તરીકે પસંદ કરવામાં આવ્યું છે. તેનો ધ્યેય બદલાતી આબોહવાની પરિસ્થિતિઓને ધ્યાનમાં રાખીને બરછટ અનાજના પોષણ અને ખેતી વિશે જાગૃતિ લાવવાનો છે.ખેડૂતોને તેમના ખાતામાં તરત જ રૂ. 2.37 લાખ કરોડની લઘુત્તમ સમર્થન કિંમત (MSP) ચૂકવવામાં આવશે. બજેટ પ્રસ્તાવમાં પ્રથમ વખત સરકારી ખરીદીનો સમાવેશ કરવામાં આવ્યો છે.