હવે બદલાશે કોલ અને ઈન્ટરનેટ ઉપયોગની પદ્ધતિ, જાણો શું હશે હવે આગામી સમયમાં નવીનત્તમ બાબત

કહેવામાં આવી રહ્યું છે કે આ હરાજીમાં દેશની 3 મોટી ટેલિકોમ કંપનીઓની સાથે અન્ય ટ્રેડર્સ પણ તેની હરાજીમાં સામેલ છે. આ હરાજી રૂ. 4.3 લાખ કરોડના 72 ગીગાહર્ટ્ઝ સ્પેક્ટ્રમ પર છે. તમને જણાવી દઈએ કે આ હરાજીમાં જિયો, વી અને એરટેલની સાથે ગૌતમ અદાણીના અદાણી ડેટા નેટવર્ક્સે પણ ભાગ લીધો છે.

5G નેટવર્ક સંબંધિત ઘણા પ્રશ્નો  

ઘણા લોકોના મનમાં એ પ્રશ્ન રહે છે કે 5G નેટવર્ક આવવાથી નેટવર્કમાં નવું શું આવશે અને એક રીતે લોકોને તેનો ફાયદો થશે. શું તેનાથી સામાન્ય માણસના રોજિંદા જીવનમાં ફાયદો થશે? આવા અનેક પ્રશ્નો લોકોના મનમાં છે. આ બધા સવાલોના જવાબ 5G નેટવર્ક પછી જ મળશે, પરંતુ આજે આપણે કેટલાક સવાલો પર નજર કરીએ કે 5G નેટવર્કથી શું બદલાવ આવશે.

નેટવર્ક સ્પીડમાં ફેરફાર

લોકોને લાગે છે કે 5G નેટવર્ક આવવાથી માત્ર ઈન્ટરનેટ સ્પીડને ફાયદો થશે અને આ વાત અમુક અંશે સાચી પણ છે. 5G નેટવર્કની ઈન્ટરનેટ સ્પીડ 4G કરતા ઘણી ઝડપી હશે . જ્યાં હવે લોકોને 100Mbps ઈન્ટરનેટ સ્પીડ મળશે, જ્યારે 5G નેટવર્ક પર Gbps સ્પીડ મળશે. એવો અંદાજ લગાવવામાં આવી રહ્યો છે કે 5G નેટવર્ક આપણને 100 ગણી વધારે સ્પીડ આપી શકે છે.

વધુ સારી કૉલિંગ સુવિધા

5G નેટવર્ક આવવાથી લોકોના ફોનમાં કોલિંગની ઘણી સારી સુવિધા પણ ખુલશે. જેના કારણે પાછલી પેઢીની સરખામણીમાં કોલ ગુણવત્તામાં પણ વધુ સુધારો જોવા મળશે. લોકોને 5G નેટવર્કથી કોલ ડ્રોપની સમસ્યાથી પણ છુટકારો મળશે.

તેનાથી નેટવર્કની રેન્જ પણ વધશે. એટલું જ નહીં આમાં તમને વીડિયો કોલ ક્વોલિટી, અલ્ટ્રા હાઈ રિઝોલ્યુશન વીડિયો અને બીજી ઘણી સુવિધાઓ મળશે. 

આ પણ વાંચો:આત્મનિર્ભર ભારત અંતર્ગત MSME માટે યોજનાઓનું અમલીકરણ