તાજમહેલ પ્રેમીઓ બકરી ઈદ પર કરી શકશે મફતમાં પ્રવેશ, જાણો સંપૂર્ણ સમાચાર

તાજમહેલનુ નામ સાંભળતાજ લોકોના મનમાં એક અલગ જ વિચાર આવે છે. કોઈ મુગલો વિશે વિચારે છે, કોઈ તાજમહેલ બનવા પાછળની કહાની વિશે વિચારે છે તો કોઈ તાજમહેલ બનાવવાવાળા વિશે વિચારે છે. તાજમહેલ દુનિયાના આઠ અજુબામાંનો એક છે. તાજમહેલ જોવા લોકો દુનિયાની અલગ-અલગ જગ્યાએથી આવતા હોય છે અને તેની સુંદરતા જોઈને, તેને બનાવનારાઓની પ્રશંસા કરે છે.

ASIએ બકરી ઈદના અવસર પર આ જાહેરાત કરી

વાસ્તવમાં, તાજમહેલ જોવા માંગતા લોકો માટે એક સારા સમાચાર છે કારણ કે 10 જુલાઈએ, બકરી ઈદ પર તાજમહેલમાં પ્રવેશ મફત કરવામાં આવી રહ્યો છે. ASIએ બકરી ઈદ (ઈદ ઉલ જુહા)ના અવસર પર આ જાહેરાત કરી છે. આ સાથે શુક્રવારે વીકએન્ડની ઉજવણી કરનારા લોકો પણ તાજમહેલમાં મફતમાં પ્રવેશ કરી શકશે.

આ પણ વાંચો:દરિયાઈ માર્ગે અમેરિકા પહોંચી ભારતીય કેરીઓ, તેને સડવાથી બચાવવા BARCએ કર્યું આ કામ

ભારતીય પુરાતત્વ સર્વેક્ષણ (ASI) એ તાજમહેલના મફત પ્રવેશને લઈને આદેશ જારી કર્યો છે. આ આદેશ અનુસાર, તાજમહેલ પરિસરમાં આવેલી શાહી મસ્જિદમાં નમાઝ માટે રવિવારે સવારે 7 વાગ્યાથી સવારે 10 વાગ્યા સુધી તાજમહેલ પરિસરમાં નમાઝીઓને મફત પ્રવેશ આપવામાં આવશે. આ દરમિયાન તાજમહેલ જોવા આવતા પ્રવાસીઓને પણ ફ્રી એન્ટ્રી આપવામાં આવશે, એટલે કે તાજમહેલમાં સવારે 7 થી 10 વાગ્યા સુધી કોઈ ટિકિટ લેવામાં આવશે નહીં.

માત્ર ત્રણ કલાક માટે ફ્રી એન્ટ્રી

મીડિયામાં ઉપલબ્ધ માહિતી અનુસાર, ઈદના અવસર પર સવારે 7 વાગ્યાથી સવારે 10 વાગ્યા સુધી તાજમહેલ સંકુલમાં નમાઝીઓ સાથે તમામ પ્રવાસીઓને ફ્રી એન્ટ્રી આપવામાં આવશે. તમને જણાવી દઈએ કે તાજમહેલ શુક્રવારે સામાન્ય પ્રવાસીઓ માટે બંધ રહે છે, માત્ર શાહી મસ્જિદમાં નમાજ અદા કરનારા સ્થાનિક નમાઝીઓને માત્ર બે કલાક માટે તાજમહેલમાં ફ્રી એન્ટ્રી આપવામાં આવે છે, પરંતુ આ ઈદ પર તેઓ તાજમહેલની શાહી મસ્જિદમાં નમાજ અદા કરશે અને ત્યાં ત્રણ કલાક સુધી ફ્રી એન્ટ્રી પણ હશે.

આ પણ વાંચો:ભારત અમૂર્ત સાંસ્કૃતિક વારસાની સુરક્ષા માટે યુનેસ્કોનાં 2003 સંમેલનની આંતરસરકારી સમિતિમાં ચૂંટાયું