Ration Card Update:રેશન કાર્ડ કેટલા પ્રકારના હોય છે? જાણો સંપુર્ણ માહિતી

રેશન કાર્ડ દ્વારા કેન્દ્ર અને રાજ્ય સરકારો દ્વારા ગરીબોને તેમની રોજિંદી આવશ્યક ચીજવસ્તુઓ સબસિડીવાળા દરે ખરીદવામાં મદદ પૂરી પાડવામાં આવે છે. આનાથી તમને વિવિધ સરકારી સુવિધાઓનો લાભ લેવામાં પણ મદદ મળશે.

કેન્દ્ર અને રાજ્ય સરકારો સમગ્ર દેશમાં ગરીબોને પુરતુ અન્ન મળી રહે તે માટે સાથે મળીને કામ કરી રહી છે. સરકાર દ્વારા અવાર નવાર ગરીબોના કલ્યાણ માટે અનેક યોજનાઓ ચલાવવામાં આવતી હોય છે. આવી જ એક યોજના છે મફત રાશન યોજના, આ યોજનામાં સરકાર દ્વારા ગરીબોને રેશનકાર્ડ દ્વારા વિનામૂલ્યે અને ઓછા ખર્ચે ઘઉં અને ચોખા આપવામાં આવે છે. આ સુવિધા અન્ન, પુરવઠા અને ગ્રાહક પુરવઠા વિભાગ દ્વારા રેશનકાર્ડમાં આપવામાં આવી રહી છે. તેનો ઉદ્દેશ દેશના નાગરિકોને સબસિડીવાળા ભાવે અનાજ ઉપલબ્ધ કરાવવાનો છે.

શું છે રેશનકાર્ડ?

રેશન કાર્ડ એ એક દસ્તાવેજ છે જેનો ઉપયોગ કેન્દ્ર અને રાજ્ય સરકારો નાગરિકોને સબસિડીવાળા દરે આવશ્યક દૈનિક ચીજવસ્તુઓ ખરીદવામાં મદદ કરવા માટે કરે છે. તેનાથી તમને અનેક પ્રકારની સરકારી સુવિધાઓ મેળવવામાં મદદ મળે છે. તે તમારા ઓળખના પુરાવા તરીકે પણ કામ કરે છે, જેથી ભારતના તમામ ગરીબ અને લાચાર પરિવારો આ સુવિધાનો લાભ લઈ શકે.

કેટલા પ્રકારના હોય છે રેશન કાર્ડ

દરેક રાજ્ય સરકાર દ્વારા અલગ-અલગ રેશન કાર્ડ જારી કરવામાં આવે છે. દેશની રાજધાની દિલ્હીમાં પણ ગરીબોને રેશન કાર્ડ આપવામાં આવે છે. દેશમાં 4 પ્રકારના રેશન કાર્ડનું વિતરણ કરવામાં આવે છે. આવી સ્થિતિમાં, અમે તમને જણાવીશું કે કઈ શ્રેણીના લોકોને રેશન કાર્ડ આપવામાં આવે છે. અહીં તમે જોઈ શકો છો-

BPL કાર્ડ ધારકોને 50%ના દરે અનાજ

આ રેશનકાર્ડ ગરીબી રેખા હેઠળના લોકોને આપવામાં આવે છે. આ રેશન કાર્ડ તેમને સબસિડીવાળા દરે ખાદ્યપદાર્થો ખરીદવામાં મદદ કરે છે. બીપીએલ (ગરીબી રેખા નીચે) આવતા પરિવારોને આર્થિક ખર્ચના 50% દરે દર મહિને 10 કિલોથી 20 કિલો અનાજ આપવામાં આવે છે. ઘઉં, ચોખા, ખાંડ સહિત અન્ય વસ્તુઓ આપવામાં આવે છે.

જો તમે ગરીબી રેખાથી ઉપર છો તો તમે સફેદ રેશન કાર્ડ માટે અરજી કરી શકો છો. સફેદ રંગનો અર્થ એ છે કે તે વ્યક્તિ ભારતનો નાગરિક છે જે ગરીબી રેખાથી ઉપર છે. રાજ્ય સરકારોને ચોખા, ઘઉં, ખાંડ અને કેરોસીન ચોક્કસ જથ્થા માટે સબસિડીવાળા દરે આપવામાં આવે છે. આ સાથે એપીએલ પરિવારોને આર્થિક ખર્ચના આધારે દર મહિને પરિવાર દીઠ 10 કિલોથી 20 કિલો અનાજ આપવામાં આવે છે.

નિશ્ચિત આવક વિનાના લોકોને આ કાર્ડ મળે છે. જેમાં બેરોજગાર લોકો, મહિલાઓ અને વૃદ્ધોનો સમાવેશ થાય છે. આ કાર્ડ ધારકો દર મહિને કુટુંબ દીઠ 35 કિલો અનાજ મેળવી શકે છે. તેને ચોખા માટે રૂ.3, ઘઉંના રૂ.2 અને બરછટ અનાજ માટે રૂ.1ના સબસિડીવાળા ભાવે અનાજ મળે છે.

આ પણ વાંચો:કેન્દ્રીય કર્મચારીઓના પગારમાં થશે 49420 રૂ. નો વધારો, સરકાર લેશે આ નિર્ણય