કેન્દ્રીય કર્મચારીઓના પગારમાં થશે 49420 રૂ. નો વધારો, સરકાર લેશે આ નિર્ણય

નવું વર્ષ શરૂ થવામાં લગભગ એક મહિનો બાકી છે. વર્ષ 2023ની શરૂઆત સાથે જ કેન્દ્રીય કર્મચારીઓ માટે સારા સમાચાર મળી રહ્યા છે. લાખો કર્મચારીઓની વર્ષો જૂની ઈચ્છાઓ પૂર્ણ થવાની સંભાવના જોવા મળી રહી છે.

સહયોગી વેબસાઇટ ઝી બિઝનેસ હિન્દીના સૂત્રોએ દાવો કર્યો છે કે ફિટમેન્ટ ફેક્ટરની ફાઇલ પર કામ ચાલી રહ્યું છે. પરંતુ આ અંગેનો નિર્ણય 2023ના અંત સુધીમાં થવાની સંભાવના છે. પગારમાં વધારો બેઝિક લેવલ પર થશે.

કેટલો વધશે કર્મચારીઓનો પગાર

સપ્ટેમ્બર મહિનામાં 4 ટકાના વધારા સાથે કેન્દ્રીય કર્મચારીઓનું મોંઘવારી ભથ્થું વધીને 38 ટકા થઈ ગયું છે. જાન્યુઆરી અને જુલાઈમાં તેમાં વધુ વધારો કરવામાં આવશે. પરંતુ કેન્દ્રીય કર્મચારીઓ સાતમા પગાર પંચ હેઠળ ફિટમેન્ટ ફેક્ટર વધારવાની લાંબા સમયથી માંગ કરી રહ્યા છે. સૂત્રોનો દાવો છે કે સરકાર 2023માં લોકસભા ચૂંટણી પહેલા આ મુદ્દાને અંતિમ સ્વરૂપ આપવાનું વિચારી રહી છે. હાલમાં, કેન્દ્રીય કર્મચારીઓનો લઘુત્તમ પગાર 2.57 ગણા ફિટમેન્ટ ફેક્ટર સાથે 18,000 રૂપિયા છે. તેને વધારીને 3.68 ગણી કરવાની માંગ ઘણા સમયથી કરવામાં આવી રહી છે. એવા સમાચાર છે કે સરકાર વચ્ચેનો કોઈ રસ્તો શોધીને ફિટમેન્ટ ફેક્ટરને ત્રણ ગણી કરી શકે છે.

જો ફિટમેન્ટ ફેક્ટર 3 ગણું થઈ જાય તો પગારમાં પણ નોંધપાત્ર વધારો થશે. ઉદાહરણ તરીકે, જે કર્મચારીનો મૂળ પગાર રૂ. 18,000 છે, હાલમાં તેનો પગાર 18,000 X 2.57 = રૂ. 46,260 છે. પરંતુ જ્યારે ફિટમેન્ટ ફેક્ટર ત્રણ ગણું થાય છે, ત્યારે મૂળ પગાર 21,000 રૂપિયા થશે. તે જ સમયે, ભથ્થાં સિવાય કુલ પગાર 21000X3 એટલે કે 63,000 રૂપિયા હશે.

કેન્દ્રીય કર્મચારીઓના પગારમાં ભથ્થાઓ ઉપરાંત અન્ય લાભો પણ છે. પગારમાં પ્રોવિડન્ટ ફંડ અને ગ્રેચ્યુટીનો પણ સમાવેશ થાય છે. કેન્દ્રીય કર્મચારીઓની EPF અને ગ્રેચ્યુઈટી મૂળભૂત પગાર અને DA સાથે જોડાયેલ છે. આ જ કારણ છે કે તેમના EPF અને ગ્રેચ્યુટીની ગણતરી કરવા માટે એક અલગ ફોર્મ્યુલા લાગુ કરવામાં આવે છે. CTC માંથી ભથ્થાં અને અન્ય કપાત કરવામાં આવે છે.

આ પણ વાંચો:"ઈસી (EC) ભરતી પ્રક્રિયા 24 કલાકમાં પૂર્ણ કરવાના સરકારના જવાબથી SC અસંતુષ્ટ