Magazines

Subscribe to our print & digital magazines now

Subscribe

We're social. Connect with us on:

News

PKVY લાભ લઈને ખોલો સીવણ કેન્દ્ર, આવી છે પ્રોસેસ

Sagar Jani
Sagar Jani

જો તમે પણ ઓછા ખર્ચમાં કોઈ કામ શરૂ કરવા માંગતા હો, તો તમે ટેલરિંગ બિઝનેસ શરૂ કરી શકો છો. સીવણકામ એક વ્યવસાય છે જે ખૂબ જ સરળતાથી શરૂ કરી શકાય છે. જો તમને કપડાં સીવવાનું નોલેજ છે, તો આ કાર્ય કરવું વધુ સરળ છે. આ વ્યવસાય શરૂ કરવા માટે તમારે કોઈ વધુ કાનૂની પ્રક્રિયામાંથી પસાર થવાની જરૂર નથી. ચાલો અમે તમને આ વ્યવસાય વિશે વિગતવાર માહિતી આપીએ.

વ્યવસાય માટે એક ઓરડો પૂરતો

આ કામને તમે તમારા રૂમમાં બેસીને પણ કરી શકો છો. રૂમમાં વધુ ખર્ચ કરવાની જરૂર નથી, જો તમે ઇચ્છો તો  તમે ઘરના કોઈપણ એક ઓરડાઓનો ઉપયોગ કરી શકો છો.

સીલાઇ મશીન

જો તમે આ વ્યવસાયને સંપૂર્ણપણે નવો શરૂ કરવા જઇ રહ્યા છો, તો પછી આ કામમાં વધુ લોકોને ન જોડતા. શરૂઆતમાં તમે તેને નાના પાયે શરૂ કરો.  સીવિંગ મશીનને કામ શરૂ કરવા માટે વાપરી શકાય છે. જો કે, આગળ જતા તમારે એક પિકકો મશીન અને ઇન્ટરલોક મશીન લેવાની જરૂર રહેશે.

ખર્ચ

આ કામ કરવા માટે મુખ્ય ખર્ચ સીવીંગ મશીન પર જ આવે છે. એક સારી સીવણ મશીન 4થી 5 હજારમાં આવશે. આ સિવાય મશીન સ્ટેન્ડ્સ અને અન્ય પ્રકારના નાના ખર્ચ થાય છે. એકંદરે તમે આ કામ 7થી 8 હજાર રૂપિયાના ખર્ચે શરૂ કરી શકો છો.

આ કામ માટે સરકાર આપી રહી છે તાલીમ

આ કામ કરવા માટે સરકાર પ્રધાનમંત્રી કૌશલ વિકાસ યોજના (પીએમકેવીવાય) હેઠળ લોકોને તાલીમ આપી રહી છે. ચાલો તમને જણાવી દઇએ કે પીએમકેવીવાય કેન્દ્ર સરકારની મુખ્ય યોજના છે, જેનો ઉદ્દેશ દેશના યુવાનોને ઉદ્યોગોથી સંબંધિત તાલીમ આપવાનું છે. આ યોજના હેઠળની તાલીમ માટેની ફી સરકાર ચૂકવે છે.

કોણ લાભ લઈ શકે ?

પ્રધાનમંત્રી કૌશલ વિકાસ યોજના અંતર્ગત ઓછા શિક્ષિત યુવાનો (દસમા, બારમા વર્ગમાં ડ્રોપ આઉટ) સીવણ તાલીમનો લાભ લઈ શકશે. આ યોજના અંતર્ગત કોઈ પણ પ્રકારની ફીની ચૂકવણી કરવાની નથી, પરંતુ સરકાર આશરે 8000 રૂપિયા ઇનામના રૂપમાં આપે છે.

આ યોજનાનો લાભ લઈને તેઓ ક્યાક તો પોતાનો વ્યવસાય શરૂ કરી શકે છે અથવા ક્યાંક નોકરી પણ કરી શકે છે. આ ઉપરાંત, આ યોજના અંતર્ગત સરકારી કક્ષાએ પણ કુશળ કામદારોને નોકરી મળે તે માટેના પ્રયત્નો કરવામાં આવે છે. જોબ ફેર જેવા મંચ આ માટે અસરકારક સાબિત થાય છે.

આ યોજનામાં સરકાર 1.5 લાખ રૂપિયા સુધીની લોન પણ પૂરી પાડે છે. આ યોજનામાં રજિસ્ટ્રેશન માટે જે લોકોએ હાયર સેકન્ડરી અથવા પોસ્ટ ગ્રેજ્યુએશન કર્યું હોય તેઓ પાત્ર બને છે. આ યોજના અંતર્ગત સરકાર દ્વારા ટ્રેનિંગ લેનારાઓ માટે જોબ ફેરનું આયોજન કરવામાં આવે છે. તે દર 6 મહિને એકવાર યોજવામાં આવે છે.

અહીં ઉલ્લેખનીય છે કે, તાલીમાર્થીઓને મુસાફર ભથ્થા, રહેવા-જમવાના ખર્ચ સ્વરૂપે નાણાંકીય મદદ આપવામાં આવશે. નોકરી પછીની સહાય લાભાર્થીને સીધા ડીબીટી દ્વારા મળશે. વધુ પારદર્શિતા તેમજ નિર્ધારિત લક્ષને પહોંચવા માટે તાલીમ આપનાર ભાગીદારોને તાલીમ ખર્ચની વહેંચણી આધાર અને બાયોમેટ્રિક્સ સાથે સંકળાયેલી રહેશે. ઉદ્યોગો દ્વારા નક્કી કરાયેલા ધોરણોના આધારે નેશનલ સ્કિલ ક્વોલિફિકેશન ફ્રેમવર્ક (એનએસક્યુએફ) સાથે સુસંગત રહીને કૌશલ્ય તાલીમ આપવામાં આવશે.

પીએમકેવીવાય હેઠળ દેશમાં જે પ્રકારના કૌશલ્યોની જરૂર છે, તે માટે તાલીમ આપવા ઉપરાંત ગલ્ફ દેશોમાં અને યુરોપ સહિતના અન્ય દેશોમાં રોજગાર માટે આંતરરાષ્ટ્રીય ધોરણો મુજબ કૌશલ્યની તાલીમ આપવા પર પણ ધ્યાન કેન્દ્રીત કરવામાં આવ્યું છે. યોજના હેઠળ ઉચ્ચ સ્તરની નોકરી માટેની તાલીમ મેળવવા ઈચ્છતા વિદ્યાર્થીને શિષ્યવૃત્તિ આપવામાં આવશે.

Share your comments

Subscribe Magazine

More on News

More