નાબાર્ડ પોતાની JLG હેઠળ ખેડૂતોને આપશે 50 હજાર સુધીનો લોન

ઝારખંડના (Jharkhand) નાના ખેડૂતો અને ખેતમજૂરો માટે એક સારા સમાચાર છે. હવે ખેડૂતોને બેંકોમાંથી સરળતાથી નાની લોન મળશે, કારણ કે નેશનલ બેન્ક ફોર એગ્રીકલ્ચર એન્ડ રૂરલ ડેવલપમેન્ટ (NABARD) એ સંયુક્ત જવાબદારી જૂથ (JLG) નો વ્યાપ વધારવાનો નિર્ણય કર્યો છે

ઝારખંડના (Jharkhand) નાના ખેડૂતો અને ખેતમજૂરો માટે એક સારા સમાચાર છે. હવે ખેડૂતોને બેંકોમાંથી સરળતાથી નાની લોન મળશે, કારણ કે નેશનલ બેન્ક ફોર એગ્રીકલ્ચર એન્ડ રૂરલ ડેવલપમેન્ટ (NABARD) એ સંયુક્ત જવાબદારી જૂથ (JLG) નો વ્યાપ વધારવાનો નિર્ણય કર્યો છે. હકીકતમાં, ઝારખંડ સરકાર દ્વારા JLG નું વિસ્તરણ કરતી વખતે, નાબાર્ડે 3 નવી બેન્કો સાથે એમઓયુ પર હસ્તાક્ષર કર્યા છે. આ અંતર્ગત દરેક JLG ને 4,000 રૂપિયાનું અનુદાન પણ આપવાનું છે.

પંજાબ અને હરિયાણામાં થઈ ફાયદાકારક

તમને જણાવી દઈએ કે જેએલજી યોજના પંજાબ અને હરિયાણા જેવા રાજ્યો માટે ખૂબ જ ફાયદાકારક સાબિત થઈ રહી છે, કારણ કે સરેરાશ હોલ્ડિંગ ઓછી છે અને નાના ખેડૂતોની સંખ્યા ત્યાં વધી રહી છે. એવું માનવામાં આવે છે કે JLG યોજના ઝારખંડ જેવા રાજ્યો માટે ખૂબ જ ફાયદાકારક સાબિત થશે.

શુ છે જેએલજી?

JLG એટલે સંયુક્ત જવાબદારી જૂથ એટલે કે 4 થી 10 અથવા વધુમાં વધુ 20 લોકોનું અનૌપચારિક જૂથ છે, જે એક જ વ્યવસાય/વ્યવસાયમાં રોકાયેલા છે. સાથોસાથ, મિકેનિઝમ્સ દ્વારા લોન મેળવવાના હેતુથી પરસ્પર ગેરંટી સામેના જૂથોની રચના કરવામાં આવે છે. JLG હેઠળ, સભ્ય 50,000 રૂપિયા સુધીની લોન મેળવી શકે છે.

માહિતી માટે, અમે તમને જણાવી દઈએ કે ગ્રુપ ફાઈનાન્સિંગ બેંકમાંથી (Bank) અલગ પર્સનલ લોન મેળવવા માટે ખેડૂત આ યોજનના અંતર્ગત પાત્ર છે. આ સિવાય, JLG માં સભ્યોની સંખ્યા 20 સુધી હોઇ શકે છે. JLG ઉધાર લેનાર એકમ તરીકે કામ કરે છે.

જેએલજીનો ઉદ્દેશ નાણાંકીય કટોકટીનો સામનો કરી રહેલા નાના અને સીમાંત ખેડૂતોને લોન અને નાણાકીય મદદ પૂરી પાડવાનો છે. ઘણી વખત એવું બને છે કે પૈસાના અભાવે નાના ખેડૂતોને શાહુકારો પાસેથી લોન લેવી પડે છે. આ રીતે ખેડૂતોની મુશ્કેલીઓ વધુ વધે છે.

આનો સૌથી મોટો ફાયદો એ થશે કે નાની હોલ્ડિંગ ધરાવતા ખેડૂતો હવે બેંકોમાં જઈને નાની લોન સરળતાથી લઈ શકશે. નાબાર્ડ હેઠળ, જાહેર ક્ષેત્રની બેન્કો તેમજ ખાનગી અને એનબીએફસી (નાના પાયાની બેન્કો) ના સમાવેશ માટે તેમની સાથે કરાર કરવામાં આવશે.

કેમ થઈ હતી નાબાર્ડની સ્થાપના

માહિતી માટે, તમને જણાવી દઈએ કે નાબાર્ડનું (NABARAD) પૂરું નામ નેશનલ બેંક ફોર એગ્રીકલ્ચર એન્ડ રૂરલ ડેવલપમેન્ટ છે. આ બેંકની સ્થાપના ગ્રામીણ વિસ્તારોના વિકાસ માટે કરવામાં આવી છે. આ બેંકની મદદથી ગ્રામીણ વિસ્તારોના વિકાસ માટે લોન ઉપલબ્ધ કરાવવામાં આવે છે. તે ગ્રામીણ લોકોને, ખેડૂતોને જરૂરી કામો અને તેમના જીવનને સુધારવા માટે લોન પૂરી પાડે છે.

ગુજરાતમાં પણ થઈ શકે છે અમલ  

જેએલજીનો યોજનાને ગુજરાતમાં (Gujarat) પણ લાગૂ કરવામાં આવી શકે છે. તેના ઉપર વિચાર-વિમર્શ ચાલે છે, કે શુ હરિયાણા અને પંજાબની જેમ ગુજરાતમાં આ યોજનાને અમલમાં મુકવામાં આવી શકાય છે. શુ આ યોજના ગુજરામાં (Gujarat) સફળ થશે. આ બઘા વાતોને ધ્યાનમાં રાખીને જ ગુજરાતમાં આ યોજના કદાચ અમલમાં આવી શકે તેમ છે.