મહારાષ્ટ્રના બારામતીમાં યોજાયું MFOI VVIF સમૃદ્ધ ખેડૂત ઉત્સવ,પ્રગતિશીલ ખેડૂતોનું થયું સન્માન

કૃષિ જાગરણ છેલ્લા 27 વર્ષથી ખેડૂતો અને કૃષિ ક્ષેત્રના વિકાસ માટે સતત કાર્ય કરી રહ્યું છે. કૃષિ જાગરણ સમયાંતરે ખેડૂતો માટે વિવિધ કાર્યક્રમોનું આયોજન કરતું રહે છે. આ સંદર્ભમાં, કૃષિ જાગરણ આ દિવસોમાં સમગ્ર દેશમાં MFOI સમૃદ્ધ કિસાન ઉત્સવ 2024નું આયોજન કરી રહ્યું છે. MFOI સમૃદ્ધ કિસાન ઉત્સવનો મુખ્ય ઉદ્દેશ્ય ખેડૂતોને પ્લેટફોર્મ પૂરું પાડવાનો છે. જેથી ખેડૂતો ખેતીમાં અવનવા પ્રયોગો કરી પોતાની આવકમાં વધારો કરી શકે, ખેતીની નવી ટેકનિક સહિત ખેતીને લગતી માહિતી મેળવી શકે અને પોતાના વિચારો પણ શેર કરી શકે.

આ ઉપરાંત સમૃદ્ધ કિસાન ઉત્સવ દરમિયાન ખેડૂતોને કૃષિ જાગરણની વિશેષ પહેલ 'મિલિયોનેર ફાર્મર ઓફ ઈન્ડિયા' એવોર્ડ વિશે પણ જાગૃત કરવામાં આવી રહ્યા છે. જેથી ખેડૂતો MFOI વિશે વધુ જાણી શકે. એટલું જ નહીં, 'સમૃદ્ધ કિસાન ઉત્સવ' દરમિયાન ખેતીમાં ઉત્કૃષ્ટ કામગીરી કરનારા ખેડૂતોનું સન્માન પણ કરવામાં આવી રહ્યું છે.

મહારાષ્ટ્રના બારામતીમાં યોજાયું સમૃદ્ધ ખેડૂત ઉત્સવ

આ શ્રેણીમાં મહારાષ્ટ્રના બારામતીમાં આજે એટલે કે સોમવારે 18 માર્ચે 'સમૃદ્ધ કિસાન ઉત્સવ'નું આયોજન કરવામાં આવ્યું હતું. કૃષિ વિજ્ઞાન કેન્દ્ર, બારામતી ખાતે આયોજિત આ 'સમૃદ્ધ કિસાન ઉત્સવ'માં મહિન્દ્રા ટ્રેક્ટર, ધાનુકા સહિત કૃષિ ક્ષેત્ર સાથે સંબંધિત ઘણી કંપનીઓ, ઘણા કૃષિ નિષ્ણાતો, કૃષિ વિભાગના અધિકારીઓ, કરોજપતિ ખેડૂતો અને ઘણા પ્રગતિશીલ ખેડૂતોએ ભાગ લીધો હતો. આ સમયગાળા દરમિયાન, પાકના રોગ અને જીવાતોનું સંચાલન, નવી ખેતીની તકનીકો, કૃષિ સાધનો અને અન્ય ઘણા મુદ્દાઓ પર ચર્ચા કરવામાં આવી હતી.

પ્રગતિશીલ ખેડૂતોને કરવામાં આવ્યું સન્માનિત

કૃષિ વિજ્ઞાન કેન્દ્ર બારામતી ખાતે આયોજિત આ 'સમૃદ્ધ કિસાન ઉત્સવ'માં 250 થી વધુ ખેડૂતોએ ભાગ લીધો હતો. આ સમયગાળા દરમિયાન ખેતીમાં ઉત્કૃષ્ટ કામગીરી કરનારા અનેક પ્રગતિશીલ ખેડૂતોનું પણ સન્માન કરવામાં આવ્યું હતું.

ઘણી કંપનીઓના નિષ્ણાતોએ લીધો ભાગ

'સમૃદ્ધ કિસાન ઉત્સવ'માં કૃષિ ક્ષેત્ર સાથે સંબંધિત ઘણી કંપનીઓના નિષ્ણાતો અને પ્રતિનિધિઓએ પણ ભાગ લીધો હતો. જેમણે ખેતી અને ખેતીને લગતા વિવિધ મુદ્દાઓ પર પોતાના વિચારો રજૂ કર્યા હતા. આમાં ડૉ. મિલિંદ જોષી (એસએમએસ પ્લાન્ટ પ્રોટેક્શન, કેવીકે બારામતી) એ શેરડીમાં રોગ અને જીવાત વ્યવસ્થાપન વિશે ચર્ચા કરી, ડો. ધીરજ શિંદે (વરિષ્ઠ વૈજ્ઞાનિક) એ ખેડૂતોને ખેતીમાં AI ના ઉપયોગ વિશે માહિતગાર કર્યા, રાહુલ દેશમુખ (વરિષ્ઠ સેલ્સ મેનેજર, ધનુકા એગ્રીટેક લિમિટેડ) એ ખેડૂતોને ધાનુકા કંપનીના પાકની સંભાળ અને ઉત્પાદનો વિશે માહિતગાર કર્યા. આ ઉપરાંત મહિન્દ્રા ટ્રેક્ટર્સ વતી રામદાસ ઉકળે પણ અહીં હાજર હતા, જેમણે ટ્રેક્ટરની જાળવણી વિશે વાત કરી હતી.

શું છે મિલેનિયર ફાર્મર ઑફ ઇન્ડિયા એવોર્ડ

મહિન્દ્રા ટ્રેક્ટર્સ દ્વારા પ્રાયોજિત 'મિલિયોનેર ફાર્મર ઑફ ઈન્ડિયા એવોર્ડ્સ' 1 થી 5 ડિસેમ્બર, 2024 દરમિયાન યોજાનાર છે. આ અનોખો એવોર્ડ સમારંભ મિલિયોનેર હોર્ટિકલ્ચરથી લઈને ઓર્ગેનિક સુધીની 150 થી વધુ શ્રેણીઓમાં ખેડૂતો અને પશુપાલકો પ્રયત્નોને માન્યતા આપવા માટે સમર્પિત છે. જણાવી દઈએ કૃષિ જાગરણ MFOI એવોર્ડ 2024 ની બીજી આવૃત્તિ માટે નોમિનેશનને શરૂ થઈ ગયો છે. જો તમે પણ પ્રોગ્રસિવ ખેડૂત છો તો નોંધણી કરવા માટે ક્લિક કરો. https://millionairefarmer.in/