જો મને કંઈ પણ થયું તો તેનો જવાબદાર પીએમ મોદી હશે: ખેડૂત આગેવાન દલ્લેવાલ

એમએસપીની ગેરંટીની માંગણીને લઈને છેલ્લા 5 મહિનાથી પંજાબ હરિયાણના બોર્ડર પર પ્રદર્શન કરી રહેલા ખેડૂત સંગઠનના વડા જગજીત સિંહ દલ્લેવાલ 26 નવેમ્બરથી ભૂખ હડતાલ કરી રહ્યો છે. જની હવે તબિયત વધુ લથડી ગઈ છે. જેને જોતા પંજાબ અને હરિયાણા હાઈકોર્ટમાં વકીલ મંડળના અધ્યક્ષત એડવોકેટ વાસું રંજન શાંડિયલ્યએ ખેડૂત આગેવાન જગજીત સિંહ દલ્લેવાલની ભૂખ હડતાલ સમાપ્ત કરવાની માંગ કરી છે. તેના માટે તેઓ કોર્ટમાં પીઆઈએલ દાખલ કરી છે અને સરકાર દ્વારા તાત્કાલિક પગલાં લેવાની માંગણી કરી છે. તે જ સમય હરિયાણા પ્રશાસન પણ દલ્લેવાલના ઘટી રહેલા વજન અને સ્વાસ્થ્યને લઈને ચિંતાચૂર થયું છે અને પંજાબન સંગરુરમાં ડીસીને પત્ર લખીને ખેડૂતોની દિલ્લી કૂચને લઈને કાયદાકીચ વ્યવસ્થાની અપીલ કરી છે. બીજી બાજુ શાંડિલ્યએ અરજીમાં દલીલ કરી છે કે દલ્લેવાલની ખરાબ તબિયતને કારણે અશાંતિ થઈ શકે છે.

દલ્લેવાલ 26 નવેમ્બરથી ભૂખ હડતાલ પર

ખેડૂત આગેવાન દલ્લેવાલ ખેડૂતો માટે એમએસપીની ગેરંટી આપવાની માંગણીને લઈને 26 નવેમ્બરથી ખનૌરી બોર્ડર પર ભૂખ હડતાલ કરી રહ્યો છે. ભૂખ હડતાલ કરતા પહેલા તેઓએ પીએમ મોદીને પત્ર પણ લખ્યો હતો. ખેડૂત આગેવાનોની પ્રેસ કોન્ફરન્સ દ્વારા તેમના વજનમાં નોંધપાત્ર ઘટાડો થયો છે અને તેમની તબિયત લથડી હોવાનું બહાર આવ્યું છે. આને ધ્યાનમાં રાખીને, યોગ્ય તબીબી સુવિધાઓ તાત્કાલિક અસરથી ઉપલબ્ધ કરાવવી જોઈએ અને તમામ જરૂરી પગલાં લેવા જોઈએ, જેથી શંભુ બોર્ડર, અંબાલા ખાતે ચાલી રહેલા ખેડૂતોના આંદોલન પર તેની કોઈ આડઅસર ન થાય અને કાયદો અને વ્યવસ્થાની સ્થિતિ પણ જળવાઈ રહે.

દલ્લેવાલનો પીએમને પત્ર

ભૂખ હડતાલને લઈને દલ્લેવાલે પીએમ નરેન્દ્ર મોદીને લોહીથી સહી કરેલો ખુલ્લો પત્ર લખ્યો હતો. આમાં તેણે કહ્યું હતું કે તમને પ્રશાસન તરફથી મારા સ્વાસ્થ્ય વિશે માહિતી મળી હશે. હું છેલ્લા 17 દિવસથી ખેડૂતોની માંગણીઓ અને પાછલી સરકારો દ્વારા આપવામાં આવેલા વચનોને પૂર્ણ કરવા માટે ઉપવાસ કરી રહ્યો છું, જેમાં નવા ફોર્મ્યુલા દ્વારા MSPની કાયદાકીય ગેરંટીનો સમાવેશ થાય છે. હવે તમારે નક્કી કરવાનું છે કે તમે MSPની ગેરંટી આપવા માટે કાયદો લાવશો કે પછી હું આ માંગ માટે ઉપવાસ કરીશ અને મારા જીવનનું બલિદાન આપીશ. ખેડૂત આગેવાને પત્રમાં કહ્યું છે કે જો હું મરીશ તો તેની જવાબદારી તમારી રહેશે.