ખેડૂતો માટે શરૂ કરવામાં આવ્યું ખેડૂત માર્ટ, જાણો શું થશે ફાયદો

દેશના ખેડૂતો હંમેશા તેમના પાકના ભાવને લઈને ચિંતિત રહે છે. પરંતુ, હવે આવું નહીં થાય. ખેડૂતોને તેમના પાકના વાજબી ભાવ પણ મળશે અને તેમના ઉત્પાદનો લોકો સુધી સરળતાથી ઉપલબ્ધ થશે.. વાસ્તવમાં, કેન્દ્ર સરકાર ખેડૂતો અને કૃષિ-ઉદ્યોગ સાહસિકોને ગ્રાહકો સાથે સીધા જોડાવા અને તેમના ઉત્પાદનોને સીધા વેચવામાં મદદ કરવા માટે એક ઈ-કોમર્સ પોર્ટલ શરૂ કરવા જઈ રહી છે. જેથી દેશમાં કૃષિ પેદાશોના વેચાણની પ્રક્રિયાને ડિજિટલ માધ્યમથી સરળ બનાવી શકાય.

આ પોર્ટલનું નામ 'કિસાનમાર્ટ' રાખવામાં આવ્યું છે. આ પોર્ટલ ઇન્ડિયન કાઉન્સિલ ઓફ એગ્રીકલ્ચરલ રિસર્ચ (ICAR), બેંગલુરુની એગ્રીકલ્ચરલ ટેક્નોલોજી એપ્લિકેશન રિસર્ચ ઇન્સ્ટિટ્યૂટ (ATARI) દ્વારા વિકસાવવામાં આવી રહ્યું છે. જો મીડિયા રિપોર્ટ્સનું માનીએ તો આ વેબસાઈટનું કામ ઓગસ્ટ સુધીમાં પૂર્ણ થવાની આશા છે. જે બાદ તેને ખેડૂતો અને ગ્રાહકો માટે લોન્ચ કરવામાં આવશે

ખેડૂતોને શું ફાયદો થશે

કિસાનમાર્ટ પોર્ટલ એવા ખેડૂતો માટે એક માધ્યમ હશે કે જેઓ તેમની કૃષિ પેદાશો સીધા નાના ગ્રાહકો અથવા છૂટક ગ્રાહકોને ઉપલબ્ધ કરાવવા માગે છે. ખેડૂત ઉત્પાદક સંગઠનો (FPOs) અને સ્વ-સહાય જૂથો (SHGs) જેવા જૂથો પણ આ પોર્ટલ દ્વારા તેમના ઉત્પાદનોનું વેચાણ કરી શકશે. જણાવી દઈએ કિસાનમાર્ટ પોર્ટલ એક ઈ-કોમર્સ પ્લેટફોર્મ છે, જે ખેડૂતો અને કૃષિ સાહસિકોને તેમની વધુ પ્રોડક્ટ્સ બજારમાં પહોંચાડવામાં મદદ કરશે. તેનાથી ખેડૂતોને વચેટિયાઓથી રાહત મળશે અને ઉત્પાદન સીધું ગ્રાહકો સુધી પહોંચશે. જેના કારણે ખેડૂતોને પણ ફાયદો થશે. વચેટિયાઓને દૂર કરવાથી ખેડૂતોની આવકમાં પણ વધારો થશે અને નાના અને સીમાંત ખેડૂતોને સશક્ત બનાવવા માટે વિવિધ ભૌગોલિક વિસ્તારોમાંથી સ્થાનિક અને વિશિષ્ટ ઉત્પાદનોને પ્રોત્સાહન મળશે.

પાયલોટ પ્રોજેક્ટ તરીકે શરૂ કરવામાં આવ્યું છે કિસાન માર્ટ

અટારીની ટેક્નોલોજી ટીમ દ્વારા વિકસાવવામાં આવેલ આ પોર્ટલ એક પાયલોટ પ્રોજેક્ટ તરીકે શરૂ કરવામાં આવ્યું છે. ખેડૂતો દ્વારા ઉત્પાદિત શાકભાજી, તેલ, મસાલા, અનાજ, બાજરી, ફળો, શાકભાજી અને મશરૂમ જેવા ઉત્પાદનોની વિશાળ શ્રેણી આ વેબસાઇટ પર ઉપલબ્ધ છે. ગ્રાહકો માટે વેબસાઈટ પર જઈને ખરીદી કરવાનું સરળ બનશે. આ ઉપરાંત કિસાન પોર્ટલ દ્વારા બિયારણ, જૈવિક ખાતર અને ખેતીના સાધનો પણ ઉપલબ્ધ થશે. ઈ-કોમર્સ પ્લેટફોર્મ દ્વારા વેચાતી તમામ પ્રોડક્ટ્સ કિસાન સમૃદ્ધિની સમાન બ્રાન્ડ હેઠળ હશે. આનો અર્થ એ છે કે ગ્રાહકો પોર્ટલ દ્વારા ODOP (વન ડિસ્ટ્રિક્ટ વન પ્રોડક્ટ) અને ભૌગોલિક સંકેત (GI) ટેગ કરેલા પાક અને માલ જેવી વિવિધ ખેડૂત કેન્દ્રિત યોજનાઓમાંથી સરળતાથી ઉત્પાદનો ખરીદી શકશે.

સમગ્ર ભારતના લાખો ખેડૂતોને થશે ફાયદા

ICARના મહાનિર્દેશક હિમાંશુ પાઠકે જણાવ્યું હતું કે આ પોર્ટલ શરૂ થવાથી સમગ્ર ભારતમાં લાખો ખેડૂતો અને કૃષિ સાહસિકોને ફાયદો થશે. આમ કરવાથી, તે કૃષિ ઉત્પાદનોના ડિજિટલાઇઝેશનની પ્રક્રિયામાં ક્રાંતિ લાવી શકે છે. ATARI ઈ-માર્કેટપ્લેસને વધારવા અને લોન્ચ કરવા માટે સેન્ટર ફોર ડેવલપમેન્ટ ઓફ એડવાન્સ્ડ કોમ્પ્યુટિંગ (C-DAC) અને ICAR-IASRI ની કુશળતાનો લાભ લેવામાં આવશે. આ સાથે, આ ઉત્પાદનોને ઓનલાઈન વેચવા માટે લોજિસ્ટિક્સ અને ડિલિવરી માટે દિલ્હીવેરી અને ઈન્ડિયા પોસ્ટ સાથે પણ ભાગીદારી થશે.