કૃષિ બજેટ ૨૦૨૩ : MSPની રકમ સીધી ખેડૂતોના ખાતામાં ટ્રાન્સફર કરવામાં આવશે, જમીનના રેકોર્ડને ડિજીટલ કરવામાં આવશે.

કૃષિ બજેટ ૨૦૨૩ : MSPની રકમ સીધી ખેડૂતોના ખાતામાં ટ્રાન્સફર કરવામાં આવશે, જમીનના રેકોર્ડને ડિજીટલ કરવામાં આવશે.

નાણામંત્રી નિર્મલા સીતારમણે ખેડૂતોને મોટી રાહત આપી છે. MSP પર પાક વેચ્યા બાદ પેમેન્ટ માટે વચેટિયાઓની ઝંઝટનો અંત આવ્યો છે. હવે ચુકવણી ડીબીટી દ્વારા ટ્રાન્સફર કરવામાં આવશે.

કૃષિ બજેટ ૨૦૨૩માં મોદી સરકારે ખેડૂતો માટે રાહતનો ડબ્બો ખોલ્યો છે. બજેટ રજૂ કરતા નાણામંત્રી નિર્મલા સીતારમણે કહ્યું કે હવે લઘુત્તમ ટેકાના ભાવના પૈસા સીધા ખેડૂતોના બેંક ખાતામાં ટ્રાન્સફર કરવામાં આવશે. જો ખેડૂતોને DBT દ્વારા પૈસા મળે છે, તો મંડીઓ અથવા વચેટિયાઓ પાસેથી મોડા પેમેન્ટ મેળવવાનું કોઈ ટેન્શન નહીં રહે. સરકારનો દાવો છે કે ડિજિટલ પેમેન્ટ ભ્રષ્ટાચારને રોકવામાં મદદ કરશે. જો પેમેન્ટ સમયસર ખાતામાં આવશે તો ખેડૂતોને પણ ફાયદો થશે.

રવિ પાકના MSPમાં વધારો

કેન્દ્રીય કેબિનેટે ઓક્ટોબર ૨૦૨૨ માં જ રવિ માર્કેટિંગ સીઝન માટે મુખ્ય કઠોળ, તેલીબિયાં અને ખાદ્ય અનાજના પાકોના લઘુત્તમ ટેકાના ભાવમાં વધારો કર્યો હતો. સરકારે મસૂરના ભાવમાં ૫૦૦ રૂપિયા અને સરસવના ભાવમાં ૪૦૦ રૂપિયા પ્રતિ ક્વિન્ટલનો વધારો કર્યો છે.

આ ઉપરાંત કુસુમના ભાવમાં ૨૦૯ રૂપિયાનો વધારો, ઘઉં, ચણા અને જવના ભાવમાં પ્રતિ ક્વિન્ટલ ૧૧૦ અને ૧૦૦ રૂપિયાનો વધારો મંજૂર કરવામાં આવ્યો છે. હવે ટૂંક સમયમાં રવિ પાકની ખરીદી શરૂ કરવામાં આવશે, જેમાં ખેડૂતોને બેવડો લાભ મળશે. હવે ખેડૂતોને તેમની ઉપજના ઊંચા ભાવ જ નહીં મળે, પેમેન્ટ પણ સીધા બેંક ખાતામાં ટ્રાન્સફર કરવામાં આવશે.

ખેતીની જમીનનું ડિજીટલાઇઝેશન

૨૦૨૩નું બજેટ રજૂ કરતાં નાણાં પ્રધાન નિર્મલા સીતારમણે કહ્યું કે હવે સરકાર ઓર્ગેનિક ખેતી અને કુદરતી ખેતી પર ધ્યાન કેન્દ્રિત કરવા જઈ રહી છે. તેનો લાભ ઓર્ગેનિક-નેચરલ ખેતી સાથે પહેલાથી જોડાયેલા ખેડૂતોને મળશે. તેમજ નવા ખેડૂતોને પણ આ સિસ્ટમ સાથે જોડવામાં આવશે.

હવે કૃષિમાં ડિજીટલાઇઝેશનને પ્રોત્સાહન આપવામાં આવી રહ્યું છે. નાણામંત્રી નિર્મલા સીતારમણે કહ્યું કે હવે જમીનના રેકોર્ડને પણ ડિજીટલ કરવામાં આવશે. આ કિસ્સામાં, વર્ષ ૨૦૨૨ માટે કેન્દ્રીય ગ્રામીણ વિકાસ મંત્રાલય હેઠળના જમીન સંસાધન વિભાગ (DoLR) દ્વારા બહાર પાડવામાં આવેલ ડેટા દર્શાવે છે કે ભારતના ૯૪ ટકાથી વધુ ગામડાઓમાં જમીનના રેકોર્ડનું ડિજિટાઇઝેશન કરવામાં આવ્યું છે.

આ કિસ્સામાં, ૨૭ રાજ્યો/કેન્દ્રશાસિત પ્રદેશોમાં નોંધણીનું કમ્પ્યુટરાઇઝેશન કાર્ય ૯૩% સુધી પૂર્ણ થઈ ગયું છે. ૨૦ રાજ્યો/કેન્દ્રશાસિત પ્રદેશોમાં જમીનના રેકોર્ડ સાથે સબ-રજિસ્ટ્રાર ઑફિસનું ૭૫% એકીકરણ પણ કરવામાં આવ્યું છે. તે જ સમયે, ૨૧ રાજ્યો/કેન્દ્રશાસિત પ્રદેશોમાં ૭૦% થી વધુ જમીન કર સંબંધિત નકશાઓ પણ ડિજીટલ કરવામાં આવ્યા છે.

કૃષિ ઇનપુટ્સ ડિજિટલ સેવા હેઠળ આવશે

નવા બજેટમાં મોદી સરકારે ફળો અને શાકભાજીની ખેતી કરતા ખેડૂતોને સહકાર આપવાની યોજના બનાવી છે. બાગાયતી પાકોની ઉત્પાદકતા વધારવા માટે સરકાર રાજ્યોને સહકાર આપશે. આ માટે ૨,૨૦૦  કરોડની રકમ ફાળવવામાં આવશે. હવે ખેડૂતોને કૃષિ ઈનપુટ્સ પણ ઓનલાઈન ઉપલબ્ધ કરાવવામાં આવશે. ખાતર, બિયારણ, દવાઓ, દસ્તાવેજો વગેરે સેવાઓને પણ ડિજિટલ સેવા હેઠળ લાવવાની જાહેરાત કરવામાં આવી છે.

Rizwan Shaikh (FTJ)

Plot No. 484/2,

Sector. 12 B,

Gandhinagar, Gujarat.

Pin : 382006

Mob : 9510420202

આ પણ વાંચો : બજેટ ૨૦૨૩ : આવકવેરાને લઈને મધ્યમ વર્ગ માટે સારા સમાચાર, મહિલાઓ અને વરિષ્ઠ નાગરિકો માટે મોટી જાહેરાત