Farm Machinery: ટ્રેક્ટરની સંભાળ રાખવું એટલે ફક્ત એન્જિનની સંભાળ રાખવાનું નથી હોતું, લેવું પડે છે તેની પણ કાળજી

કૃષિ જાગરણ ગુજરાતીને દર વખતે ફક્ત ખેડૂતોનો જ ભાન રહે છે કે ખેડૂતોને કોઈ પણ જાતની સમસ્યા તો આવી રહી નથી ને. વાત જાણો એમ છે કે મોટાભાગના ખેડૂતો તેમના ટ્રેક્ટરની સારી સંભાળ રાખે છે, પરંતુ બહુ ઓછા લોકો ટ્રેક્ટરના ટાયર પર ધ્યાન આપે છે. એવું પણ કહી શકાય કે ઘણા ખેડૂતો માને છે કે ફક્ત ટ્રેક્ટર અને તેના એન્જિનને જ જાળવણીની જરૂર હોય છે. આ રીતે, ટ્રેક્ટરના ટાયરો જાળવણી વગર રહે છે અને તેમનું જીવન ઝડપથી ઘટવા લાગે છે. જો તમે ટ્રેક્ટરના ટાયર પર થોડું ધ્યાન આપો તો તેમનું આયુષ્ય ઘણા વર્ષો સુધી વધી શકે છે. તેથી, આજે અમે તમને ટ્રેક્ટરના ટાયર સંબંધિત કેટલીક ઉપયોગી ટિપ્સ આપી રહ્યા છીએ.

ટાયરની કાળજી રાખવાની રીત 

• ટાયરના લાંબા આયુષ્ય માટે, તેમનો હવાનો દબાણ સૌથી મહત્વપૂર્ણ ભૂમિકા ભજવે છે. જ્યારે પણ તમે ખેતરમાં કોઈપણ કામ માટે ટ્રેક્ટર લઈ રહ્યા હોવ, ત્યારે પહેલા ટાયરમાં હવાનું દબાણ તપાસો. જો તમારે ભીની માટી કે રેતાળ સપાટી પર કામ કરવું પડે, તો ટાયરમાં હવાનું દબાણ થોડું ઓછું રાખો. જોકે, જો તમારે રસ્તા પર ટ્રેક્ટર ચલાવવું પડે અથવા ભારે માલસામાનનું પરિવહન કરવું પડે, તો તમારે ટાયરમાં વધુ હવા રાખવાની જરૂર છે. 
• રસ્તા અને ખેતર માટે ટ્રેક્ટરના ટાયરમાં હવાનું દબાણ અલગ હોય છે. જો તમે રસ્તા પર ટ્રેક્ટર ચલાવવા માંગતા હો, તો આગળના ટાયરમાં હવાનું દબાણ 24-26 PSI અને પાછળના ટાયરમાં 16-18 PSI રાખો. જો તમારે ખેતરમાં ટ્રેક્ટર ચલાવવું પડે, તો આગળના ટાયરમાં 22-24 PSI હવાનું દબાણ અને પાછળના ટાયરમાં 14 થી 16 PSI હવાનું દબાણ રાખો. 

• જો તમારું ટ્રેક્ટર ભેજવાળા વિસ્તારમાં અથવા વરસાદની ઋતુમાં ચાલે છે, તો ટાયરના વાલ્વ અને રિમ તેલયુક્ત રાખવા જોઈએ. આના માટે તમે મશીન ઓઇલનો ઉપયોગ કરી શકો છો.   
• ટાયર કેટલો સમય ચાલશે તે મોટે ભાગે તમે ટ્રેક્ટર કેવી રીતે ચલાવો છો તેના પર આધાર રાખે છે. જ્યારે પણ ટ્રેક્ટર લપસવાનું શરૂ કરે ત્યારે તેને દબાણ ન કરવાનો પ્રયાસ કરો, આનાથી ફક્ત ટાયર ખરાબ થાય છે અને બળતણનો પણ બગાડ થાય છે. જ્યાં પણ ટાયર લપસી જવાની શક્યતા હોય, ત્યાં ટ્રેક્ટર પરનો ભાર થોડો સમાયોજિત કરો અથવા ટાયરમાં હવા ઓછી કરો અને ટ્રેક્ટરને ત્યાંથી બહાર કાઢો.
• આ ઉપરાંત, ટ્રેક્ટર જ્યારે પણ ચાલાવો તો તેના ગતિ મર્યાદિત રાખો અને ટાયર શક્ય તેટલું ઓછું સ્લિપ થાય તે સુનિશ્ચિત કરવાનો પ્રયાસ કરો. ઉપરાંત, શિયાળા દરમિયાન ટ્રેક્ટરને ક્યારેય ખુલ્લામાં ન રાખો કારણ કે તેનાથી ટાયરના રબરને પણ નુકાસાન થવાની 100 ટકા શાક્યતા હોય છે.