Magazines

Subscribe to our print & digital magazines now

Subscribe

We're social. Connect with us on:

Farm Machinery

ખરીફ સિઝન પહેલા ખેડૂતો ખરીદી કરી રહ્યા છે આ ખેતીના યંત્રો, જાણો શું છે તેનું મુખ્ય કારણ

Himanee Chauhan
Himanee Chauhan
Farmers Are Buying Agricultural Machinery
Farmers Are Buying Agricultural Machinery

ખેડૂતોનું કહેવું છે કે જે રીતે વિજ્ઞાનનો ઉપયોગ કૃષિ ક્ષેત્રે વધી રહ્યો છે, તેની સીધી અસર પાકની ઉપજ અને તેની ગુણવત્તા પર જોવા મળે છે.

ખરીફ સિઝન શરૂ થવામાં હવે ગણતરીના દિવસો બાકી છે. આવી સ્થિતિમાં ખેડૂતો પોત પોતાના ખેતરને તૈયાર કરવામાં લાગેલા છે. ખેડૂતો આ સિઝનમાં ડાંગર, સોયાબીન, તુવેર, તલ, મકાઈ, અડદ, મગ, મગફળી વગેરે જેવા ખરીફ પાકોની વધુને વધુ વાવણી કરે છે.

તમને જણાવી દઈએ કે તેનુ મુખ્ય કારણ વપરાશ અને માંગમાં વધારો છે, આવી સ્થિતિમાં ખરીફ સિઝન શરૂ થાય તે પહેલા ખેડૂતો જોરદાર કૃષિ મશીનોની ખરીદી કરતા દેખાઈ રહ્યા છે.

ખેડૂતોનુ કહેવુ છે કે જે રીતે કૃષિ ક્ષેત્રમાં વિજ્ઞાનનો ઉપયોગ વધી રહ્યો છે અને તેની સીધી અસર પાકની ઉપજ અને ગુણવત્તા પર જોવા મળી રહી છે. આવી સ્થિતિમાં ખેડૂતો માટે કૃષિને લગતા મશીનો ખૂબ જ મહત્વપૂર્ણ છે.

રવિ પાકની લણણી ચાલી રહી છે. લણણી બાદ જ્યારે પાક બજારમાં પહોંચે છે ત્યારે ખેડૂતોને સારો નફો મળે છે. આ જ નફા સાથે ખેડૂત ભાઈઓએ કૃષિ મશીનરી ખરીદવા અને ખરીફ ખેતી અદ્યતન રીતે કરવાનું મન બનાવી લીધું છે. પંજાબ, ગુજરાત, હરિયાણા, ઉત્તર પ્રદેશ સહિત અન્ય રાજ્યોમાં આ વખતે ખેડૂતો વધુને વધુ કૃષિ મશીનરીની ખરીદી કરતા જોવા મળી રહ્યા છે.

એમબી હળ (ખેતરો તૈયાર કરવા માટેનું કૃષિ મશીન)

ખેતરો તૈયાર કરવાનો આ યોગ્ય સમય છે. આવી સ્થિતિમાં ખેડૂતો સૌપ્રથમ તેમના ખેતરમાં ખેડાણ કરે છે અને જમીનને હલકી બનાવે છે, જેથી ખેતરમાં રહેલા નીંદણ સરળતાથી દૂર થાય છે અને જમીનને જરૂરી પોષક તત્વો પણ મળી શકે છે. જ્યારે આ વર્ષે ખરીફ સિઝન માટે તેમના ખેતરો તૈયાર કરી રહેલા ખેડૂતોએ આ માટે એમબી કૃષિ યંત્રની મદદ લીધી છે.

  • આ કૃષિ મશીન લોખંડનું બનેલું છે. આમાં નીચે લાગેલુ ફોલ જમીનને કાપી નાખે છે, તેમજ ફોલ સાથે જોડાયેલ લોખંડ વાંકી પ્લેટની મદદથી જમીનને ઉથલાવી દેવાનું કામ કરે છે. તમને તે બજારોમાં સરળતાથી મળી જશે, જેની મદદથી તમે સમયસર તમારા ખેતરોમાં સરળતાથી ખેડાણ કરી શકો છો.

કલ્ટિવેટર Cultivator

ખેતી કરનાર ખેડૂતો ખેતરમાં ખેડાણ કર્યા પછી આ મશીનનો ઉપયોગ માટીના ગઠ્ઠાને તોડવા, જમીનને નાજુક બનાવવા અને સૂકા ઘાસ, મૂળને ખેતરમાં લાવવા માટે કરે છે. આના કારણે છોડને યોગ્ય માત્રામાં પોષક તત્વો મળે છે અને ઉપજની સાથે ગુણવત્તા પણ સારી રહે છે. આ મશીનનો ઉપયોગ હરોળના પાકમાં નિંદામણ માટે પણ થાય છે. માર્કેટમાં સ્પ્રિંગ ટાઈન કલ્ટિવેટર, રિજિડ ટાઈન કલ્ટીવેટર વગેરે જેવી અનેક પ્રકારના કલ્ટિવેટર ઉપલબ્ધ છે.

હેરો Harrow

ખેતરો ખેડ્યા પછી, ખેડૂતો જમીનને નાજુક રાખવા અને જમીનની ભેજ જાળવી રાખવા માટે છીછરી ખેડાણ કરે છે. આ પદ્ધતિથી, જમીન નાજુક બને છે અને તેમાં ભેજ રહે છે. આ કાર્ય કરવા માટે હેરો યંત્ર અત્યંત ઉપયોગી છે. એટલું જ નહીં હેરો ખેડૂતોને ખેતરમાંથી ઘાસ, મૂળ વગેરે સાફ કરવામાં પણ મદદ કરે છે. આ કૃષિ મશીન બે પ્રકારના છે –

  1. ટેન્ડર હેરો અને
  2. બ્લેડ હેરો.

રોટાવેટર Rotavator

આ કૃષિ મશીન ખેડૂતોમાં ખૂબ જ લોકપ્રિય છે. તે ભારે અને વિશાળ કૃષિ મશીનરીથી ચાલતું એક ખાસ પ્રકારનું ટ્રેક્ટર છે. આ ઉપકરણને જે ખાસ બનાવે છે તે તેની સાથે જોડાયેલ બ્લેડની વિવિધતા છે, જે માટીને કાપીને, તેને ઉપર ઉઠાવીને અને માટીની અંદર જઈને, માટીને ઉથલાવીને આગળ વધે છે. જેના કારણે જમીન અને માટીને એકસાથે ખેડી શકાય છે.

આ પણ વાંચો : પીએમ આદર્શ ગ્રામ યોજના : 36000 ગામડાઓને કરાશે વિકસિત, અપાશે તમામ પ્રાથમિક સુવિધાઓ

આ પણ વાંચો : પાકની મુલ્યવૃદ્ધી માટે સૂકવણી અને ગ્રેડિંગનું મહત્વ

Share your comments

Subscribe Magazine

More on Farm Machinery

More