BUDGET 2025: ખેડૂતોથી માંડીને સામાન્ય માણસ માટે નાણાં પ્રધાને લઈને આવ્યા ખુશીયા અપાર

મોદી 3.0 ના પહેલા બજેટ આજે કેંદ્રીય નાણા પ્રધાન નિર્મલા સીતારમણ રજુ કર્યો છે. નાણાકીય વર્ષ 2025-26 માટે બજેટ રજુ કરતા નાણા પ્રધાને કહ્યં કે મખાનાના માર્કેટિંગ માટે કામ કરવામાં આવ્યું છે. આ માટે એફપીઓની રચના કરવામાં આવી રહી છે. તેમણે કહ્યું કે ગરીબ ખેડૂતો અને મહિલાઓ માટે સરકાર સતત કાર્યરત છે. તેના  સાથે જ તેઓએ ખેડૂતોને પાક માટે યોગ્ય વળતર આપવાની જાહેરાત પણ બજેટ ભાષણ દરમિયાન કરી.

માછલી ખેડુતો માટે મોટી જાહેરાત

નાણા પ્રધાને બજેટ 2025-26 માટે આર્થિક ક્ષેત્ર અને દરિયામાં મત્યઉદ્યોગની ઉત્પાદકતા જાળવા માટે સક્ષમ માળખું લાવવાની જાહેરાત કરી છે. તેમણે ઉત્પાદન મિશન મેંક ઈન ઈન્ડિયા કાર્યક્રમન આગળ લઈ જવા માટે નીતિ સમર્થન અને વિગતવાર માળખા દ્વારા નાના, મધ્યમ અને મોટા ઉદ્યોગોને આવરી લેવાની વાત કરી છે.

SC-ST મહિલા સાહસિકો માટે યોજના આવશે

કેન્દ્રીય નાણામંત્રી નિર્મલા સીતારમણે કહ્યું કે, 5 લાખ અનુસૂચિત જાતિ, અનુસૂચિત જનજાતિની મહિલા ઉદ્યોગસાહસિકો માટે એક નવી યોજના શરૂ કરવામાં આવશે જેઓ પ્રથમ વખત ઉદ્યોગસાહસિક બનશે, આ અંતર્ગત આગામી 5 વર્ષ દરમિયાન 2 કરોડ રૂપિયા સુધીની લોન ઉપલબ્ધ કરાવવામાં આવશે

12 લાખ સુધી લોન માફ

બજેટમાં મધ્યમ વર્ગ માટે મોટી જાહેરાત. 12 લાખ રૂપિયા સુધીની વાર્ષિક આવક પર કોઈ આવકવેરો ચૂકવવો પડશે નહીં. 25 લાખ રૂપિયાની આવક ધરાવતા લોકોને 1.10 લાખ રૂપિયાનો લાભ મળશે.

આવતા અઠવાડિયે નવું આવકવેરા બિલ લાવવાની જાહેરાત

બજેટમાં સરકારની મોટી જાહેરાત. નિર્મલા સીતારમણે કહ્યું કે આવકવેરા બિલ આવતા અઠવાડિયે આવશે. આવકવેરાના વિગતવાર મુદ્દાઓનો સમાવેશ થશે. નાણામંત્રીએ કહ્યું- નવું આવકવેરા બિલ આવતા અઠવાડિયે લાવવામાં આવશે. આ ડાયરેક્ટ ટેક્સ રિફોર્મ્સ પછીથી સમજાવવામાં આવશે. આવકવેરા ભરવાની મર્યાદા 2 વર્ષથી વધારીને 4 વર્ષ કરવામાં આવી છે.

વૃદ્ધો માટે ડિસ્કાઉન્ટની અને 36 દવાઓની ડ્યુટી ફ્રી

બજેટમાં વૃદ્ધો માટે ટેક્સ મુક્તિ વધારીને 1 લાખ રૂપિયા કરવામાં આવી છે. વૃદ્ધ લોકો ચાર વર્ષ માટે અપડેટેડ રિટર્ન ફાઇલ કરી શકશે. મર્યાદા 10 લાખ TCS કરવામાં આવી હતી. ટીડીએસની મર્યાદા વધારીને રૂ. 6 લાખ કરવામાં આવી. તેના સાથે જ નાણામંત્રી નિર્મલા સીતારમણે કહ્યું કે 36 જીવનરક્ષક દવાઓ પરનો ડ્યૂટી ટેક્સ સંપૂર્ણપણે નાબૂદ કરવામાં આવશે. તમામ સરકારી હોસ્પિટલોમાં કેન્સર ડે કેર સેન્ટર બનાવવામાં આવશે. કેન્સરની સારવાર માટેની દવાઓ સસ્તી થશે. 6 જીવનરક્ષક દવાઓ પરની કસ્ટમ ડ્યુટી ઘટાડીને 5 ટકા કરવામાં આવશે.

આ વસ્તુઓ સસ્તી થશે

• મોબાઈલ ફોન સસ્તા થશે.
• મોબાઈલની બેટરી પણ સસ્તી છે.
• ઘણી દવાઓ પર ટેક્સ છૂટ મળશે.
• જટિલ રોગોની દવાઓ સસ્તી થશે.
• LED ટીવી સસ્તા થશે.
• ઇલેક્ટ્રિક કાર સસ્તી થશે.

પીએમ રિસર્ચ ફેલોશિપ શરૂ થશે

• રાષ્ટ્રીય જૈવવિવિધતા મિશન શરૂ થશે.
• બુદ્ધ સાથે સંબંધિત પ્રવાસન કેન્દ્રો વિકસાવવામાં આવશે.
• 52 પ્રવાસન સ્થળો વિકસાવવામાં આવશે.
• મેડિકલ ટુરિઝમ વધશે
• પીએમ રિસર્ચ ફેલોશિપમાં 10 હજાર ફેલોશિપ આપવામાં આવશે.

સ્ટાર્ટઅપ્સ માટે ફંડની જાહેરાત કરી

નાણાપ્રધાન નિર્મલા સીતારમણે કહ્યું કે સ્ટાર્ટઅપ માટે સરકારના 10,000 કરોડ રૂપિયાના યોગદાનથી ભંડોળની વ્યવસ્થા કરવામાં આવશે. તેમણે એમ પણ કહ્યું કે સરકાર પ્રથમ વખત પાંચ લાખ મહિલાઓ, એસસી અને એસટી ઉદ્યોગ સાહસિકોને 2 કરોડ રૂપિયાની લોન આપશે.

કપાસની ખેતી માટે 5 વર્ષના મિશનની જાહેરાત

1. આગામી 6 વર્ષ સુધી દાળ અને તુવેર જેવા કઠોળનું ઉત્પાદન વધારવા પર ધ્યાન કેન્દ્રિત કરો.
2. કપાસનું ઉત્પાદન વધારવાનું 5 વર્ષનું મિશન, આનાથી દેશનો ટેક્સટાઇલ બિઝનેસ મજબૂત થશે.
3. નાના ઉદ્યોગો માટે વિશેષ ક્રેડિટ કાર્ડ, પ્રથમ વર્ષમાં 10 લાખ કાર્ડ જારી કરવામાં આવશે.

પહાડી વિસ્તારોમાં નાના એરપોર્ટ બનાવવામાં આવશે

• UDAN યોજના દ્વારા કનેક્ટિવિટી વધારવામાં આવશે.
• પહાડી વિસ્તારોમાં નાના એરપોર્ટ બનાવવામાં આવશે.
• મેડિકલ કોલેજની 75 હજાર બેઠકો વધશે.
• જલ જીવન મિશન માટેની રકમમાં વધારો કરવામાં આવ્યો છે.

યુવાનોને રોજગાર માટે ક્રેડિટ ગેરંટી કવર મળશે

નાણામંત્રી નિર્મલા સીતારમણે કહ્યું, 'અમે ઈચ્છીએ છીએ કે MSME સેક્ટરનો વિકાસ થાય. એક કરોડથી વધુ નોંધાયેલા MSME છે. તેની સાથે કરોડો લોકોની રોજગારી જોડાયેલી છે. આ ભારતને મેન્યુફેક્ચરિંગ હેડ બનાવે છે. જેથી તેમને વધુ પૈસા મળી શકે, તેમાં અઢી ગણો વધારો કરવામાં આવી રહ્યો છે. તેનાથી યુવાનોને રોજગારી મળશે. અમે માઇક્રો અને સ્મોલ એન્ટરપ્રાઇઝ માટે ક્રેડિટ ગેરંટી કવર રૂ. 5 કરોડથી વધારીને રૂ. 10 કરોડ કરીશું.

કઠોળમાં આત્મનિર્ભરતા માટે 6 વર્ષનું મિશન

નાણા પ્રધાન નિર્મલા સીતારમણે તેમના કેન્દ્રીય બજેટ 2025-26ના ભાષણમાં કઠોળમાં 'આત્મનિર્ભરતા' હાંસલ કરવા માટે છ વર્ષના મિશનની જાહેરાત કરી છે. આ સાથે તેલીબિયાંમાં આત્મનિર્ભરતા માટે પણ જાહેરાત કરવામાં આવી છે.

કિસાન ક્રેડિટ કાર્ડની મર્યાદા રૂપિયા 5 લાખ 

સીતારમણે કહ્યું કે ખેડૂત ધિરાણ મર્યાદા વધારવામાં આવી રહી છે. તેમણે કિસાન ક્રેડિટ કાર્ડની મર્યાદા વધારીને 5 લાખ રૂપિયા કરી દીધી છે. પહેલા આ મર્યાદા 3 લાખ રૂપિયા હતી. 

પ્રધાનમંત્રી ધનધાન્ય યોજનાની જાહેરાત

નાણામંત્રીએ બજેટમાં ખેડૂતો માટે પ્રધાનમંત્રી ધનધાન્ય યોજનાની જાહેરાત કરી છે. નાણામંત્રીએ બજેટમાં ખેડૂતો માટે પ્રધાનમંત્રી ધનધાન્ય યોજનાની જાહેરાત કરી છે. સરકાર આ યોજનાને રાજ્યો સાથે મળીને ચલાવશે. 1.7 કરોડ ખેડૂતોને મદદ મળશે.  

ખેડૂતોના ભલા પર ફોકસ રહેશે

ગરીબો, યુવાનો, મહિલાઓ અને ખેડૂતોના ભલા પર ધ્યાન કેન્દ્રિત કરવામાં આવશે. કૃષિ વિકાસ, ગ્રામીણ વિકાસ અને ઉત્પાદન પર ધ્યાન કેન્દ્રિત કરવામાં આવ્યું છે. નાણાકીય ક્ષેત્રના સુધારા પર પણ ધ્યાન આપશે.