મત્સ્ય ઉદ્યોગમાં ભારતના યુવાનો મેળવી રહ્યાં છે સફળતા

મત્સ્યઉદ્યોગ અને જળચરઉછેર લાખો લોકો માટે ખોરાક, પોષણ, આવક અને આજીવિકાનો મહત્વનો સ્ત્રોત છે. અને દેશના યુવાનો આ ક્ષેત્રમાં જોડાઈને સફળતાના આંબે પહોંચી રહ્યા છે.

વધતી વસ્તીની ખાદ્ય જરૂરિયાતોને પહોંચી વળવા માટે ઝડપથી ખોરાકનું ઉત્પાદન કરવું જરૂરી છે. આ જરૂરિયાત આપણી સામે રોજગારના વિકલ્પો ખોલે છે. મત્સ્ય ઉત્પાદન આ જરૂરિયાતો માટે ટકાઉ ઉકેલો પ્રદાન કરી શકે છે. તાજેતરમાં મત્સ્ય ઉદ્યોગ ક્ષેત્રને સૂર્યોદય ક્ષેત્ર તરીકે ઓળખવામાં આવ્યો છે.

મત્સ્યઉદ્યોગના ક્ષેત્રમાં વિકાસની ઘણી તકો છે, વધુમાં, તેણે ભારતમાં 28 મિલિયનથી વધુ લોકોની આજીવિકા ટકાવી રાખવામાં મહત્વપૂર્ણ ભૂમિકા ભજવી છે. તેમણે સામાજિક-આર્થિક વિકાસને પ્રોત્સાહન આપવા માટે ખાસ કરીને વંચિત અને નબળા સમુદાયોના લોકો માટે મહત્વપૂર્ણ યોગદાન આપ્યું છે. મહત્વની વાત છે કે 3 કરોડ લોકોની આજીવિકા માછલીની ખેતી સાથે જોડાયેલી છે.

ભારત વિશ્વમાં માછલીનું બીજું સૌથી મોટું ઉત્પાદક છે, જે વૈશ્વિક ઉત્પાદનમાં 7.56 ટકા યોગદાન આપે છે. મત્સ્યઉદ્યોગ અને જળચર ઉછેર લાખો લોકો માટે ખોરાક, પોષણ, આવક અને આજીવિકાનો મહત્વનો સ્ત્રોત છે. વર્ષ 2019-20 દરમિયાન મત્સય ઉદ્યોગ ક્ષેત્રમાં નિકાસની આવક 46 લાખ 662 હજાર કરોડ રૂપિયા રહી છે. આ ક્ષેત્ર પ્રાથમિક સ્તરે 2.8 કરોડ લોકોને આજીવિકા પૂરી પાડવામાં મદદ કરે છે.

છેલ્લા કેટલાક વર્ષોમાં મત્સ્યોદ્યોગ ક્ષેત્રમાં વાર્ષિક સરેરાશ વૃદ્ધિ દર 7 ટકા રહ્યો છે. માછલી એ પ્રોટીનનો સસ્તો અને સમૃદ્ધ સ્ત્રોત છે, જેના કારણે તે ભૂખ અને પોષક તત્ત્વોની ઉણપને દૂર કરવા માટે સૌથી આરોગ્યપ્રદ વિકલ્પોમાંથી એક છે. આ સેક્ટરમાં તેની નિકાસ બમણી કરવાની અપાર ક્ષમતા છે.

મત્સ્ય ઉછેર એક એવું ક્ષેત્ર છે, જ્યાંથી ઓછા સમયમાં નફો મેળવી શકાય છે. આજે યુવાનો પણ મત્સ્યઉછેરમાં જોડાઈ રહ્યા છે. શરૂઆતના તબક્કામાં સ્વદેશી પ્રજાતિની માછલીઓનો ઉછેર કરી શકાય છે. તેમના બીજ ઓછા ખર્ચે સરળતાથી મળી રહે છે. સ્વદેશી પ્રજાતિની માછલીઓ ખૂબ જ ઝડપથી વિકસે છે અને તેમના ખાદ્યપદાર્થ વ્યવસ્થાપનમાં બહુ ખર્ચ થતો નથી.

આ પણ વાંચો : IRCTC : રેલ્વેમાં શરૂ કરો બિઝનેસ. દર મહિને થશે રૂપિયા 80,000 સુધીની આવક

આ પણ વાંચો : ઔષધિય છોડની ખેતી તરફ વળ્યા ખેડૂતો, થાય છે સારી કમાણી