શ્વાન પ્રેમીઓ માટે અગત્યનો સમાચાર, પોતાના શ્વાનના કરી શકશે અંતિમ સંસ્કાર

આપણા દેશમાં પશુપ્રેમીઓની કોઈ કમી નથી. અહીં ઘણા લોકો છે જેમને પ્રાણીઓનો ખૂબ જ શોખ છે. સામાન્ય રીતે તમે આવા લોકોને બગીચાઓમાં અને શેરીઓમાં તેમના શ્વાનને લઈને ફરતા જોશો. આવા લોકો આ શ્વાનને તેમના પરિવારનો એક હિસ્સો માને છે અને જ્યારે આ શ્વાન તેમને એક દિવસ છોડી દે છે ત્યારે તેઓ ખૂબ જ દુખી થાય છે. તેઓને લાગે છે કે તેમના કુટુંબનો કોઈ સભ્ય તેમનાથી છૂટી ગયો છે અને તેઓ ખૂબ જ ઉદાસી અનુભવે છે જ્યારે તેઓ તેમની યોગ્ય મહેનત કરવા ઇચ્છતા હોવા છતાં પણ વિધિ વિધાનથઈ અંતિમ સંસ્કાર કરી શકતા નથી. આવા લોકોના ફાયદા માટે હવે સરકારે એક મોટું પગલું ભર્યું છે.

વાસ્તવમાં આવા લોકોની ભાવનાઓ અને શ્વાન પ્રત્યેના તેમના સ્નેહને ધ્યાનમાં રાખીને ગાઝિયાબાદ મહાનગરપાલિકાએ હવે આ શ્વાન માટે સ્મશાનગૃહ બનાવવાનું નક્કી કર્યું છે.કારણ કે ઘણા લોકો તેમના શ્વાનના મૃત્યુ પછી અંતિમ સંસ્કાર કરવામાં અસમર્થ છે, જેને લીધે તે ખૂબ જ દુઃખી થાય છે. હવે સરકારે આવા લોકો માટે સ્મશાનગૃહ બનાવવાનું નક્કી કર્યું છે, જેથી આ લોકો પોતાના શ્વાનનો અંતિમ સંસ્કાર કરી શકે.

આ માટે ગાઝિયાબાદ મ્યુનિસિપલ કોર્પોરેશનના અધિકારીઓએ ટેન્ડર બહાર પાડ્યું છે. તેને તૈયાર કરવામાં એક લાખ રૂપિયા સુધીનો ખર્ચ થશે. તેની તૈયારીની દિશામાં પાલિકાના અધિકારીઓ દ્વારા સંપૂર્ણ યોજના તૈયાર કરવામાં આવી છે. ચાલો અમે તમને જણાવી દઈએ કે પાલિકાના અધિકારીઓનો આ નિર્ણય મહત્વપૂર્ણ માનવામાં આવે છે કારણ કે ગાઝિયાબાદમાં ઘણા લોકો એવા છે કે જેઓ શ્વાન રાખવાના શોખીન છે. હવે ગાઝિયાબાદ પછી અન્ય શહેરોમાં પણ આ પ્રકારના પગલા લેવામાં આવે તેવી સંભાવના વ્યક્ત કરવામાં આવી રહી છે.

અંતિમ ફી ભરવાની રહેશે

મ્યુનિસિપલ અધિકારીઓના જણાવ્યા મુજબ પશુ માલિકોએ તેમના શ્વાનના અંતિમ સંસ્કાર માટે ફક્ત 200 થી 300 રૂપિયા ફી ચૂકવવાની રહેશે. જે પછી આ લોકો તેમના શ્વાનનો અંતિમ સંસ્કાર કરશે.એટલું જ નહીં પ્રાણીઓના માલિકો ઇચ્છે તો તેમના શ્વાનના હાડકાં પણ એકઠા કરી શકે છે.

કૂતરા પાળવાના ફાયદા

કૂતરા પાળનાર વ્યક્તિ શારીરિક રીતે પણ કાર્યક્ષમ રહે છે કારણકે દરરોજ કૂતરાને ઘરની બહાર ફરવા લઈ જવાનું હોવાને લીધે તે વ્યક્તિની કસરત પણ થઈ જાય છે. કૂતરા પાળવાથી સૌથી મોટી સકારાત્મક અસર એ થાય છે કે માણસ એકલતાનો અનુભવ કરતો નથી. કૂતરાઓ તમને દરરોજ ચાલવા માટે પ્રોત્સાહન આપે છે, સામાજિક ટેકો આપે છે અને જીવનને વધારે અર્થપૂર્ણ બનાવે છે. જો તમારી પાસે કૂતરૂં હશે તો તમે અન્ય લોકો સાથે વધારે વાતો પણ કરશો.

હવે લોકો માટે કૂતરાનું મહત્ત્વ દિવસે-દિવસે વધી રહ્યું છે, કૂતરા પાળનાર લોકોની સંખ્યામાં પણ વધારો થઈ રહ્યો છે.કારણકે એક અભ્યાસ અનુસાર કૂતરા પાળવાના કારણે હૃદય રોગની સમસ્યા, એકલતા અને તણાવમાંથી મુક્તિ મળે છે અને સાથે-સાથે જીવનના ઉત્સાહમાં પણ વધારો થાય છે. જો તમે માંદા પડશો અને જો તમારે હોસ્પિટલમાં જવું પડશે તો તમારી પાસે કૂતરું હશે, અને તેના માટે હોસ્પિટલમાંથી જલદી ઘરે આવવાની પ્રેરણા પણ મળશે.