PM Kisan Yojana : ખેડૂતોની રાહ પૂરી થઈ, આ તારીખ સુધીમાં મેળવી શકશો 12મા હપ્તાના પૈસા, જાણો કેવી રીતે કરશો ચેક

પ્રધાનમંત્રી કિસાન નિધિ યોજના દેશના ખેડૂતોને ફાયદો પહોંચાડવા માટે સરકારની સૌથી મહત્વકાંક્ષી યોજના છે. પીએમ મોદી ટૂંક સમયમાં આ યોજના હેઠળ 12મો હપ્તો જાહેર કરશે.

વર્ષનો પ્રથમ હપ્તો 1લી એપ્રિલથી શરૂ થાય છે અને 31મી જુલાઈના રોજ સમાપ્ત થાય છે.

આ યોજનાનો બીજો હપ્તો 1લી ઓગસ્ટથી 30મી નવેમ્બર વચ્ચેના સમયગાળામાં આપવામાં આવે છે અને ત્રીજો હપ્તો 1લી ડિસેમ્બરથી 31મી માર્ચની વચ્ચે આપવામાં આવે છે. આ યોજનાની સમયરેખા મુજબ, 12મા હપ્તાની ચુકવણી આ મહિનાના અંત સુધીમાં રિલીઝ થઈ શકે છે. કેન્દ્ર સરકારે ઈ-કેવાયસીની સમયમર્યાદા 31 મે 2022થી વધારીને 31 જુલાઈ 2022 કરી હતી. તે જ સમયે, દેશના ખેડૂતો 12મા હપ્તાની રાહ જોઈ રહ્યા છે. દેશભરના ખેડૂતોને આ યોજનાનો લાભ મળી રહ્યો છે, આ યોજના કેન્દ્ર સરકારની છે. પીએમ કિસાન નિધિ યોજના હેઠળ, એક વર્ષમાં દરેક ખેડૂતને 6000 રૂપિયાની આર્થિક સહાય આપવામાં આવે છે.

યોજનાના લાભાર્થીઓની રાહ સપ્ટેમ્બરના અંત સુધીમાં સમાપ્ત થઈ શકે

દેશભરના ખેડૂતો આ યોજનાના 12મા હપ્તાની રાહ જોઈ રહ્યા છે. પીએમ કિસાન યોજનાના લાભાર્થીઓની રાહ સપ્ટેમ્બરના અંત સુધીમાં સમાપ્ત થઈ શકે છે.

જો તમને આ યોજના અંગે કોઈ પ્રશ્ન હોય, તો તમે હેલ્પલાઈન નંબર અથવા મેઈલ દ્વારા સંપર્ક કરી શકો છો. તમે ટોલ ફ્રી નંબર 155261 અથવા 1800115526 અથવા 011-23381092 ડાયલ કરી શકો છો.

                                                                                                            
જો તમે હજુ સુધી આ સ્કીમ માટે નોંધણી કરાવી નથી, તો આગળની પ્રક્રિયા માટે તમે સત્તાવાર વેબસાઇટ pmkisan.gov.in પર જઈ શકો છો.

પ્રધાનમંત્રી કિસાન સન્માન નિધિ યોજનાની સ્થિતિ તપાસવા માટે, તમે pmkisan.gov.in પર ક્લિક કરો. તે પછી લાભાર્થીની સ્થિતિ પસંદ કરો અને તમારો આધાર, એકાઉન્ટ નંબર અને મોબાઇલ નંબર દાખલ કરો, તે પછી તમારી સ્થિતિ તપાસવા માટે ડેટા વિકલ્પ પર ક્લિક કરો.

આ પણ વાંચો:પાકિસ્તાનના ખેડૂતોએ કહ્યું- દેશમાં પૂરની સ્થિતિને લીધે 50 વર્ષ પાછા પડી ગયા