હવે કરિયાણા અને શાકભાજીનો ઓર્ડર કરો ઘરે બેઠા, રિલાયન્સે શરૂ કરી નવી સુવિધા

રિલાયન્સ ઈન્ડસ્ટ્રીએ ભારતમાં એક અગલ જ છાપ ઉભી કરી છે. દેશની સૌથી મોટી કંપની દિવસે દિવસે લોકોને ઉપયોગી વસ્તુઓ માર્કેટમાં લાવતી રહી છે. ત્યારે રિલાયન્સ દ્વારા વધુ એક સેવા શરૂ કરવામાં આવી છે. જે છે JioMart. રિલાયન્સ જિયો દ્વારા ઓનલાઇન ગ્રાહક કરિયાણા પ્લેટફોર્મ JioMart એપ્લિકેશન પણ શરૂ કરવામાં આવી છે. હાલમાં બીટા તબક્કામાં આવેલી JioMart એપ્લિકેશન ગૂગલ પ્લે સ્ટોર અને આઇઓએસ એપ સ્ટોર પર આવતાની સાથે ધૂમ મચાવી છે. તેના ડાઉનલોડ્સ ઝડપથી વધી રહ્યાં છે. આ એપ્લિકેશને આવતાની સાથે જ લોકોની પસંદ બની ગઈ છે. એપ્લિકેશન એનીએ આ એપ્લિકેશનને ટોચનાં ચાર્ટમાં સ્થાન આપ્યું છે.

આ એપ એપલ એપ સ્ટોરમાં બીજા સ્થાને અને ગૂગલ પ્લે સ્ટોરમાં ત્રીજા સ્થાને

જિઓની નવી એપ્લિકેશન શોપિંગ કેટેગરીમાં એપલ એપ સ્ટોરમાં બીજા સ્થાને અને ગૂગલ પ્લે સ્ટોરમાં ત્રીજા સ્થાને પહોંચી ગઈ છે. આ એપ્લિકેશન ગૂગલ પ્લે સ્ટોરથી અત્યાર સુધીમાં 1 મિલિયનથી વધુ વખત ડાઉનલોડ થઈ છે. JioMart એપ્લિકેશનમાં, વપરાશકર્તાઓને ઓમ્ની-પ્લેટફોર્મ ઇન્ટરફેસ આપવામાં આવ્યો છે, જેની મદદથી તે વધુ સારી રીતે એક્સેસિબિલિટી ગ્રાહકોને પ્રદાન કરે છે.

એપ દ્વારા કરિયાણાની ખરીદી કરી શકો

એપ્લિકેશન શ્રેષ્ઠ ઇન્ટરફેસ વપરાશકર્તાઓ માટે ખૂબ જ સરળ છે અને હવે આઇફોન અથવા એન્ડ્રોઈડ સ્માર્ટફોન પર JioMart એપ્લિકેશનની મદદથી ખરીદી કરી શકશે અને ઓર્ડર આપી શકાશે. કરિયાણાની ખરીદી માટે આપવામાં આવતી આ એપ્લિકેશનમાં વપરાશકર્તાઓ તેમના આઈડી સાથે લોગ ઇન કરીને પાછલા ઓર્ડરને પણ એક્સેસ કરી શકશે અને નવા ઓર્ડર આપી શકશે.

200 શહેરોમાં સેવા

રિલાયન્સ જિયો દ્વારા દેશભરના 200 જેટલા શહેરોમાં JioMart બીટા પ્લેટફોર્મ લોન્ચ કરવામાં આવ્યું છે. માર્ચના અંતમાં આ પ્લેટફોર્મની રજૂઆત સાથે શહેરોમાં રહેતા વપરાશકર્તાઓ ઓનલાઇન ઓર્ડર પણ આપી શકે છે. તેની સહાયથી તમને ફળોમાંથી શાકભાજી અને અન્ય કરિયાણાની ચીજોમાં હોમ ડિલિવરીનો વિકલ્પ મળશે.

દરરોજ 2.5 લાખ ઓર્ડર

જિયોમાર્ટ એપ્લિકેશનમાં ઘણી નવી બ્રાન્ડ્સ ઉમેરવામાં આવી છે અને વપરાશકર્તાઓને કાર્ડ્સ, નેટબેકિંગ અને મોબાઇલ વોલેટ્સની સહાયથી ચુકવણી વિકલ્પો પણ મળે છે. આ સિવાય કેશ ઓન ડિલીવરી વિકલ્પ પણ પસંદ કરી શકાય છે. કંપનીના સીઈઓ મુકેશ અંબાણીએ તાજેતરમાં કહ્યું હતું કે આ મંચ પર દરરોજ લગભગ 2.5 લાખ ઓર્ડર મળે છે.