કેન્દ્રીય કર્મચારીઓ અને પેન્શનરોના DA એરેયર્સનો મુદ્દો સંસદમાં, સરકારે આપ્યુ નિવેદન

કેન્દ્રીય કર્મચારીઓ અને પેન્શનરો તેમના 18 મહિનાના ડીએ એરીયર્સની રાહ જોઈ રહ્યા છે. હવે આ મામલાને સંસદમાં સતત ઉઠાવવામાં આવી રહ્યો છે.

કેન્દ્રીય કર્મચારીઓ અને પેન્શનરોના 18 મહિનાના એરિયર્સનો મુદ્દો આજે રાજ્યસભામાં ફરી ઉઠ્યો હતો. પ્રશ્નકાળ દરમિયાન ફરી એક વખત સરકાર તરફથી પેન્ડિંગ પેન્શનને મુક્ત કરવા અંગે પ્રશ્ન પૂછવામાં આવ્યો હતો. કેન્દ્રીય કર્મચારીઓ અને પેન્શનધારકોને 18 મહિનાનું એરિયર્સ કેમ આપવામાં આવ્યું નથી તે અંગે સરકારે ગૃહમાં ખુલાસો કરવો પડ્યો હતો.

કેન્દ્રીય નાણા રાજ્ય મંત્રી પંકજ ચૌધરીએ જણાવ્યું હતું કે કેન્દ્રીય કર્મચારીઓ અને પેન્શનરોને મોંઘવારી ભથ્થા અને મોંઘવારી રાહતના ત્રણ હપ્તા રોકવાનો નિર્ણય  કોરોના રોગચાળાને કારણે ઊભી થયેલી આર્થિક પરિસ્થિતિને ધ્યાનમાં રાખીને લેવામાં આવ્યો હતો કારણ કે કલ્યાણકારી યોજનાઓ માટે સકરારે વિશાળ ભંડોળની જોગવાઈ કરવાની હતી. નાણા રાજ્ય મંત્રીએ ગૃહમાં કહ્યું કે નાણાકીય બોજને કારણે કેન્દ્રીય કર્મચારીઓ અને પેન્શનધારકોને 18 મહિનાના ડીએનું બાકી નીકળતું એરિયર્સ જારી કરવામાં આવ્યુ નથી.

પેન્શનરોના બાકી નીકળતા એરિયર્સના પ્રશ્નોના જવાબમાં રાજ્યકક્ષાના મંત્રી પંકજ ચૌધરીએ ગૃહને જણાવ્યું હતું કે 2020માં કોરોના રોગચાળાને કારણે ઊભી થયેલી આર્થિક સ્થિતિ અને સરકાર દ્વારા લેવામાં આવેલા કલ્યાણકારી પગલાંને કારણે તેની આર્થિક અસર2020-21 પછી પણ અનુભવાશે. તેથી, નાણાકીય વર્ષ માં કેન્દ્રીય કર્મચારીઓને મોંઘવારી ભથ્થા અને પેન્શનરોને મોંઘવારી રાહતની બાકી રકમ બહાર પાડવામાં આવી નથી.

કર્મચારીઓ એરિયર્સની રાહ જોઈ રહ્યા છે

હાલમાં કેન્દ્રીય કર્મચારીઓને 38 ટકા મોંઘવારી ભથ્થું આપવામાં આવે છે. છેલ્લું મોંઘવારી ભથ્થું સપ્ટેમ્બર 2022માં વધારવામાં આવ્યું હતું. પરંતુ કેન્દ્રીય કર્મચારીઓ 18 મહિનાના એરિયર્સની રાહ જોઈ રહ્યા છે. સરકારી કર્મચારીઓ અને પેન્શનરો સરકાર પાસેથી જાન્યુઆરી 2020 થી જૂન 2021 વચ્ચેના 18 મહિનાના ડીએના બાકી ચૂકવણીની સતત માંગ કરી રહ્યા છે. કર્મચારીઓ અને પેન્શનરો સાથે જોડાયેલા સંગઠનોએ આ માંગને લઈને સરકારને એક મેમોરેન્ડમ પણ સુપરત કર્યું છે.

કર્મચારી યુનિયન ડીએની માંગ પર અડગ

જો કે, સરકારે જણાવ્યું છે કે કેમ 18 મહિનાનું એરિયર્સ ચૂકવવામાં આવ્યું નથી. પરંતુ સરકારે આ અંગે વધુ વિચાર કરશે કે કેમ તે સરકારે જણાવ્યું નથી. જો કે, કર્મચારી યુનિયન 18 મહિનાના ડીએ બાકીની માંગ પર અડગ છે. તેમનું કહેવું છે કે ડીએમાં વધારો ન કરવા છતાં તેઓ કોરોનાના સમયગાળા દરમિયાન પોતાનો જીવ જોખમમાં મૂકીને કામ કરતા રહ્યા.  

આ પણ વાંચો:સંસદમાં સરકાર તરફથી આજે જુવાર-બાજરીની વાનગીઑનું જમણ, PM મોદી પણ થશે સામેલ