પાકિસ્તાનના ખેડૂતોએ કહ્યું- દેશમાં પૂરની સ્થિતિને લીધે 50 વર્ષ પાછા પડી ગયા

પાકિસ્તાનના સિંધ પ્રાંતના ખેડૂત અશરફ અલી ભામ્બરુ કહે છે, "અમે 50 વર્ષ પાછળ ગયા છીએ. સિંધમાં 2,500 એકર કપાસ અને શેરડી તૈયાર હતી, પરંતુ પૂર આવ્યું અને તે સર્વનાશ વેરીને ગયું.

જૂનના મધ્યથી અત્યાર સુધીમાં 1,250 થી વધુ લોકોના મોત થયા છે અને 3.5 કરોડ લોકો પ્રભાવિત થયા છે. રેકોર્ડ બ્રેક ચોમાસાના વરસાદને કારણે આવેલા પૂરમાં સિંધ સૌથી વધુ પ્રભાવિત પ્રાંતો પૈકીનો એક એક છે.

સિંધુ નદી પ્રાંતને બે ભાગોમાં વિભાજિત કરે છે, જેની સાથે હજારો વર્ષોથી ખેતી કરવામાં આવે છે અને સિંચાઈની વ્યવસ્થા 4,000 બીસીની છે.

 સિંધ બે સમસ્યાઓથી ઝઝૂમી રહ્યું છે

હાલમાં સિંધ બે સમસ્યાઓનો સામનો કરી રહ્યું છે. પ્રાંતમાં વિક્રમી વરસાદ થયો હતો, પરંતુ વરસાદી પાણી નદીમાં વહી શક્યું ન હતું, કારણ કે સિંધુ નદી પહેલેથી જ ભરાઈ ગઈ હતી અને ઉત્તરની ઉપનદીઓ પણ છલકાઈ ગઈ હતી અને ઘણી જગ્યાએ પાળા તૂટ્યા હતા.

ભામ્બરુનું કહેવું છે કે એક સમયે સતત 72 કલાક સુધી વરસાદ પડ્યો અને એકલા ખેતીવાડી કરોડો રૂપિયાનું નુકસાન થયું છે. તે ખાતરો અને જંતુનાશકોની કિંમત હતી. અમે નફાનો પણ સમાવેશ કરતા નથી, જે ઘણો વધારે હોત કારણ કે તે બમ્પર પાક હતો.

જ્યાં સુધી પૂરગ્રસ્ત ખેતરોમાંથી પાણી ઓછું ન થાય ત્યાં સુધી, ભામ્બરુ અને તેના જેવા અન્ય ખેડૂતો શિયાળામાં ઘઉંનો પાક ઉગાડી શકશે નહીં, જે દેશની ખાદ્ય સુરક્ષા માટે મહત્વપૂર્ણ છે.અમારી પાસે ફક્ત એક જ મહિનો છે. જો પાણી ન હોય, તો અમે ઘઉંની ખેતી કરી શકતા નથી.

પાકિસ્તાન વર્ષોથી ઘઉંના ઉત્પાદનમાં આત્મનિર્ભર હતું, પરંતુ તાજેતરમાં તે તેના વ્યૂહાત્મક ભંડારના ભાગરૂપે ભરપૂર રહે તેની ખાતરી કરવા માટે આયાત પર નિર્ભર છે. બીજી તરફ પાકિસ્તાનને રશિયા પાસેથી સસ્તા ઘઉં ખરીદવા પડે તો પણ આયાત પોસાય તેમ નથી.

પાકિસ્તાન પર વિદેશી દેવું

દેશ પર વિદેશી ધિરાણકર્તાઓનું અબજો રૂપિયાનું દેવું છે અને ગયા અઠવાડિયે જ પાકિસ્તાન ઇન્ટરનેશનલ મોનેટરી ફંડ (IMF) ને વધુ ધિરાણ આપવા માટે સમજાવવામાં સફળ થયું. જો કે, આ કાર્યક્રમ પૂરના કારણે થયેલા નુકસાનથી દૂર છે અને અગાઉના લોનના હપ્તાઓ ચૂકવવા મુશ્કેલ છે. એક અનુમાન મુજબ, પૂરના કારણે દેશને અત્યાર સુધીમાં 10 બિલિયન ડોલરનું નુકસાન થયું છે. કેટલાક સ્થળોએ આંખે દેખાય ત્યાં સુધી પાણી દેખાય છે અને પાણી ભરાયેલા ખેતરોમાં કપાસનો પાક જોઈ શકાય છે, જેના પાંદડાને નુકસાન થયું છે. હવે કપાસના પાકને ભૂલી જવો પડશે.  પૂરથી માત્ર ખેડૂતો જ પ્રભાવિત નથી કર્યાં પણ આ વિસ્તાર સાથે જોડાયેલા તમામ લોકો ચિંતિત છે. સાલેહપતના કપાસના વેપારી વસીમ અહેમદે એએફપીને જણાવ્યું હતું કે, "અમે બરબાદ થઈ ગયા છીએ." પ્રદેશના અન્ય લોકોની જેમ વસીમે પણ કપાસ ખરીદવા માટે એડવાન્સ પેમેન્ટ કર્યું છે. સામાન્ય રીતે સિંધના કપાસ બજારો આ સિઝનમાં ધમધમતા હોય છે, પરંતુ આ દિવસોમાં એક વિચિત્ર શૂન્યાવકાશ છે.

આ પણ વાંચો:પાકિસ્તાનમાં 400ના ટામેટાં, શાકભાજીના ભાવ આસમાને, લોકો કરી રહ્યા છે ભારતથી મંગાવાની માંગ