32 વર્ષ બાદ 129 કૃષિ પદાધિકારીઓને મળ્યા નિમણૂક પત્ર, ખેડૂતોને થશે ફાયદો

ઝારખંડ મંત્રાલયમાં, મુખ્યમંત્રી હેમંત સોરેન અને કૃષિ મંત્રી બાદલ પત્રલેખે પદાધિકારીઓને નિમણુક પત્રનુ વિતરણ કર્યુ. આ પ્રસંગે હેમંત સોરેને કહ્યું હતું કે તમારી પાસે એક પડકારની સાથે સાથે મોટી તક પણ છે. પરંતુ, બડા બાબુ કે કિરાણી બાબુના ભરોસે કામ કરવાને બદલે ઉપર ઉઠીને ખેડૂતો માટે કંઈક કરવું પડશે. તમને જણાવી દઈએ કે, ઝારખંડ મંત્રાલયમાં લાંબા સમય બાદ  ફરી એકવાર તક નિમણૂક પત્રોના વિતરણની હતી. મુખ્ય પ્રધાન હેમંત સોરેને કૃષિ સેવા કેડરના 129 પદાધિકારીઓમાં નિમણૂક પત્રોનું વિતરણ કર્યું. 32 વર્ષ બાદ કૃષિ વિભાગમાં વિવિધ જગ્યાઓ પર નિમણૂકને લઈને સારા સમાચાર સામે આવ્યા છે. આ જ કારણ છે કે નિમણૂક પત્ર મેળવનારાઓના ચહેરાની સાથે સાથે સરકારનો ઉત્સાહ પણ ઉંચો જોવા મળ્યો હતો.

'દેશના ખેડૂતો સરકાર નહીં પણ ભગવાન ભરોસો છે'

આ દરમિયાન મુખ્યમંત્રી હેમંત સોરેને કૃષિ ક્ષેત્રને સરકારની પ્રથમ પ્રાથમિકતાની સાથે સાથે તેને મજબૂત બનાવવાની વાત પણ કહી. હેમંત સોરેને કહ્યું કે દેશના ખેડૂતો કોઈ સરકારના ભરોસે નથી, પરંતુ ભગવાનના ભરોસે છે. જો ખેડુતો નહીં હોય તો માનવ પણ બચશે નહીં. તેથી ખેડૂત અને ખેતીને બચાવવા અને વધારવા જરૂરી છે.

આ પણ વાંચો:યોગી સરકારે લીધો મોટો નિર્ણય, દૂધ ન આપવાવાળી ગાયોને રસ્તે છોડશો તો થશે કેસ, જાણો સંપૂર્ણ સમાચાર

58 લાખ ખેડૂતોને સમૃદ્ધ બનાવવામાં મોટી ભૂમિકા ભજવશે

ત્યાં જ, કૃષિ પ્રધાન બાદલ પત્રલેખે કહ્યું કે  આજના દિવસને હંમેશા તમારા હૃદયમાં સમાવી રાખજો. આવી તક ભાગ્યે જ મળે છે. તમે 58 લાખ ખેડૂતોને સમૃદ્ધ બનાવવામાં મોટી ભૂમિકા ભજવશો. કારણ કે તમે સીધા ખેડૂત સાથે જોડાઈ જશો. 20 વર્ષમાં જેટલુ KCC લોનનુ વિતરણ થયુ હતુ, વર્તમાન સરકારે 2 વર્ષમાં કરી બતાવ્યુ. અનાજ ઉત્પાદનમાં પણ રેકોર્ડ સર્જાયો છે. કૃષિ વિભાગનું લક્ષ્ય 2024 સુધીમાં જીડીપીને 20 ટકા સુધી લઈ જવાનુ છે.

6 વર્ષ પછી મળ્યો નિમણૂક પત્ર

નિમણૂક પત્રો મેળવનાર કૃષિ પદાધિકારીઓના ચહેરા પર એક અલગ જ ચમક દેખાતી હતી. વર્ષ 2015માં ફોર્મ ભરાયું,  2020માં પરિણામ આવ્યું અને 2022માં નિમણૂક પત્ર મળવો એ ખુબ મોટી વાત છે. નિમણૂક પત્રો મેળવનારાઓએ રાજ્ય માટે અને ખેડૂતોના ઉત્થાન માટેના તેમના સંકલ્પને પણ પુનરોચ્ચાર કર્યો હતો. નેહા નિશ્ચલ, શિવશંકર પ્રસાદ અને નિકિતાનુ  કહેવુ છે કે તેઓ રાજ્યમાં કૃષિ ઉત્પાદન વધારવા અને ખેડૂતોની આવક બમણી કરવા પર ભાર મૂકશે.

6 જુનથી શરૂ થશે ટ્રેનિંગ

કૃષિ વિભાગમાં 129 નવા પદાધિકારીઓની તાલીમ 6 જુનથી શરૂ થશે. આ તાલીમમાં આ તમામ પદાધિકારીઓને વિભાગીય કામગીરીની વિસ્તૃત માહીતી આપવામાં આવશે. જેથી આવનારા સમયમાં કામગીરી દરમિયાન કોઈ પણ પ્રકારની મુશ્કેલી ન પડે, સાથે જ આ પદાધિકારીઓનો લાભ જલ્દી જ કૃષિ વિભાગને મળે.

આ પણ વાંચો:ICICI પ્રુડેન્શિયલ: બોટમ-અપ સ્ટોક પીકીંગ ઇન્વેસ્ટમેન્ટ શું છે? આ રીતે રોકાણ કરો, તમને વધુ ફાયદો થશે