PM Kisan Tractor Yojana:ટ્રેક્ટરની ખરીદી પર મળશે 50% સબસિડી, કેન્દ્ર સરકાર લાવી છે આ ખાસ યોજના

મોદી સરકાર ખેડૂતોની આવક વધારવા અને તેમને આર્થિક મદદ કરવા માટે ઘણી યોજનાઓ લાવી રહી છે. પીએમ કિસાન હેઠળ ખેડૂતોના ખાતામાં વાર્ષિક 6000 રૂપિયા જમા થાય છે. ખેડૂતોને ખેતી માટે અનેક પ્રકારના મશીનોની પણ જરૂર પડે છે. આવી સ્થિતિમાં ખેડૂતોની મદદ માટે કેન્દ્ર સરકાર ટ્રેક્ટર ખરીદવા પર સબસિડી આપી રહી છે. આ સબસિડી 'PM કિસાન ટ્રેક્ટર સ્કીમ' હેઠળ આપવામાં આવી રહી છે. ચાલો આ યોજના વિશે વિગતવાર જાણીએ

યોજના હેઠળ ખેડુતોને મળશે અડધી કિંમતે ટ્રેક્ટર

વાસ્તવમાં ખેડૂતોને ખેતી માટે ટ્રેક્ટર ખૂબ જ જરૂરી છે. પરંતુ દેશમાં એવા ઘણા ખેડૂતો છે જેમની પાસે નબળી આર્થિક સ્થિતિને કારણે ટ્રેક્ટર નથી. આવા વિકટ સંજોગોમાં તેમણે ટ્રેક્ટર ભાડે રાખવું પડે છે અથવા બળદનો ઉપયોગ કરવો પડે છે. આવી સ્થિતિમાં ખેડૂતોની મદદ માટે સરકાર આ યોજના લઈને આવી છે. પીએમ કિસાન ટ્રેક્ટર યોજના હેઠળ ખેડૂતોને અડધી કિંમતે ટ્રેક્ટર આપવામાં આવશે.

ટ્રેક્ટરની ખરીદી પર સબ્સિડી

કેન્દ્ર સરકાર ખેડૂતોને ટ્રેક્ટર ખરીદવા સબસિડી આપે છે. આ અંતર્ગત ખેડૂતો અડધી કિંમતે કોઈપણ કંપનીના ટ્રેક્ટર ખરીદી શકશે. બાકીની અડધી રકમ સરકાર સબસિડી તરીકે આપે છે. આ સિવાય ઘણી રાજ્ય સરકારો પણ પોતાના સ્તરે ખેડૂતોને ટ્રેક્ટર પર 20 થી 50% સબસિડી આપે છે.

તમને જણાવી દઈએ કે આ સબસિડી સરકાર માત્ર 1 ટ્રેક્ટર ખરીદવા પર જ આપશે. જો તમે પણ આ યોજનાનો લાભ લેવા માંગતા હોવ તો ખેડૂત પાસે આ માટે જરૂરી દસ્તાવેજો તરીકે આધાર કાર્ડ, જમીનના કાગળ, બેંકની વિગતો, પાસપોર્ટ સાઈઝનો ફોટો હોવો જોઈએ. આ યોજના હેઠળ ખેડૂતો કોઈપણ નજીકના CSC કેન્દ્રની મુલાકાત લઈને ઓનલાઈન અરજી કરી શકે છે.

આ પણ વાંચો:પ્રધાનમંત્રી કુસુમ યોજના